استانادا جەڭىستىڭ 70 جىلدىعىنا ارنالعان ءىس-شارالار جوسپارى جۇزەگە اسىرىلۋدا
بۇل تۋرالى ەلوردا اكىمدىگىنىڭ رەسمي سايتىنان حابارلادى.
قالالىق ءماسليحات دەپۋتاتتارى جەڭىستىڭ 70 جىلدىعىنا ارنالعان ءىس-شارالار جوسپارىمەن تانىستى. جينالىسقا استانا قالاسى اكىمىنىڭ ورىنباسارى ەرمەك امانشايەۆ، قالالىق ءماسليحاتتىڭ حاتشىسى سانسىزباي ەسىلوۆ، سونداي-اق ءماسليحاتتىڭ الەۋمەتتىك-مادەني دامۋ كوميسسياسىنىڭ ءتوراعاسى اباي بايگەنجين، قالالىق جانە اۋداندىق باسقارمالاردىڭ باسشىلارى قاتىستى.
ەلوردا اكىمىنىڭ ورىنباسارى ءمالىم ەتكەندەي، قازىرگى ۋاقىتتا ۇلى وتان سوعىسىنداعى جەڭىستىڭ 70 جىلدىعىنا ارنالعان ءىس-شارالار جوسپارى جۇزەگە اسىرىلا باستادى. وسى جوسپار اياسىندا ۇ و س مۇگەدەكتەرى، ولارعا تەڭەستىرىلگەندەر، تىل ەڭبەككەرلەرى الەۋمەتتىك كومەككە يە بولادى.
«اتالمىش جوسپار نەگىزىندە 33 ارداگەردىڭ پاتەرلەرى جوندەلەدى. سونىمەن قاتار، 51 ارداگەردىڭ پاتەرىنە قۇرىلىس كومپانيالارىنىڭ كومەگىمەن اعىمداعى جوندەۋ جۇمىستارى جۇرگىزىلەدى. جۇمىستار ۇستىمىزدەگى جىلدىڭ مامىر ايىنا دەيىن اياقتالادى»، - دەدى ە. امانشايەۆ.
ە. امانشايەۆتىڭ ايتۋىنشا، 2015-جىلعى 20- مامىرعا دەيىن باسپاناعا ءزارۋ 7 ارداگەرگە پاتەر بەرىلەدى. رەسپۋبليكالىق جانە جەرگىلىكتى بيۋجەت ەسەبىنەن ءبىر رەتتىك تولەمدەر جاسالادى. كوممۋنالدىق تولەمدەردى وتەۋ، سانيتارلىق-كۋرورتتىق دەمالىس ورىندارىنا جىبەرۋ، ءتىس پروتەزدەۋ جانە ۇ و س ارداگەرلەرىن قاجەتتى ءدارى-دارمەكتەرمەن قامتۋ سەكىلدى كومەك تۇرلەرى كورسەتىلەدى.
بۇدان باسقا، جەڭىستىڭ 70 جىلدىعىنا ارنالعان ءىس-شارالار جوسپارى نەگىزىندە ەلوردادا ءبىرقاتار شىعارماشىلىق كونسەرتتەر، مەرەكەلىك اكسيالار، سپورتتىق سايىستار وتەدى. اتالمىش مەرەكەگە وراي جەڭىس داڭعىلىنداعى گۇلباق اباتتاندىرىلادى، ارنايى باننەرلەر ورناتىلادى.
قالالىق ءماسليحات دەپۋتاتتارى تۇرعىن ۇيلەردىڭ كىرەبەرىسىندە ارداگەرلەردىڭ ەسىمدەرى جازىلعان تاقتايشالاردى ءىلۋ تۋرالى ءوز ويلارىمەن ءبولىستى. دەپۋتاتتار وسكەلەڭ ۇرپاقتىڭ، جاستار اراسىندا ناسيحات جۇمىستارىن وتكىزۋگە كوپ كوڭىل ءبولۋ كەرەك ەكەندىگىن اتاپ ءوتتى.
