ۇلى جەڭىسكە 70 جىل: الماتىدا «جاۋىنگەر تۋرالى پوۆەست» كىتابىنىڭ تۇساۋى كەسىلدى - فوتو

تۇساۋكەسەر راسىمىنە ۇلى وتان سوعىسىنىڭ ارداگەرلەرى، ق ر ءى ءى م ارداگەرلەر كەڭەسىنىڭ ءتوراعاسى، ميليتسيا گەنەرال-مايورى ءومىرزاق بولسامبەكوۆ، ق ر گەنەرالدار كەڭەسى ۇيىمىنىڭ وكىلدەرى، الماتى قالاسى ءى ءى د باسشىلىعى مەن ارداگەرلەرى، ورتالىقازيالىق ايماقتىق اقپاراتتىق ۇيلەستىرۋ ورتالىعىنىڭ ۋاكىلەتتى وكىلدەرى، سونىمەن قاتار رەسەي، ۋكراينا جانە پولشانىڭ قازاقستانداعى ەلشىلىكتەرىنىڭ وكىلدەرى قاتىستى.

«بۇل كىتاپتى جازۋ يدەياسى 2012-جىلى ۇلكەن پورترەتتەن باستالدى. مەن وسى ورتالىقتا ق ر ءى ءى م جاڭادان تاعايىندالعان ۋاكىلەتتى وكىلى گەنەرال- مايور بولات زەينۇللا ۇلى بايجاساروۆتىڭ الدىنا ءوزىمدى تانىستىرۋعا كىردىم. كىرسەم قابىرعادا ۇ و س ارداگەرىنىڭ پورترەتى ءىلۋلى تۇر ەكەن. مەن ونىڭ كىم ەكەنىن سۇرادىم. ول: «مەنىڭ اكەم» دەدى. مەندە سول مەزەتتە ۇلكەن قىزىعۋشىلىق پايدا بولدى. سودان بىردەن ارحيۆتىك رەسۋرستاردان سوعىس جىلدارىنداعى ماراپاتتاۋ قاعازدارىنىڭ كوشىرمەلەرىن تاۋىپ الىپ، تاعى دا الدىنا كىردىم. ول كىسى اكەسى جايىنداعى ماعلۇماتتاردى كورىپ تاڭ قالدى. سودان كىتاپقا ماتەريالدار جيناۋ باستالدى. كىتاپ تەك تىڭ دەرەكتەردەن تۇرادى. زەينۇللا بايجاساروۆ جەتى مايداننىڭ قۇرامىندا تالاي ايتۋلى شايقاستارعا قاتىسقان. ياعني، ونىڭ ءومىر جولىن قاراپ وتىرىپ، بۇكىل ۇلى وتان سوعىسى جايىندا بىلۋگە بولادى. ول «ەرلىگى ءۇشىن»، «ماسكەۋدى قورعاعانى ءۇشىن»، «ستالينگرادتى قورعاعانى ءۇشىن»، «بەرليندى العانى ءۇشىن» سەكىلدى مەدالدارمەن ماراپاتتالعان»، - دەدى وسى كىتاپتىڭ اۆتورى ميليتسيا پولكوۆنيگى امانجول ورازبايەۆ.

«زەينۇللا بايجاساروۆ سوعىستان كەيىن تالاي جىل ىشكى ىستەر سالاسىندا ەڭبەك ەتىپ، پولكوۆنيك دارەجەسىنە دەيىن كوتەرىلدى. ءبىر ۇل ءۇش قىز تاربيەلەدى. ۇلى بۇگىندە ميليتسيا گەنەرال- مايورى. زەينۇللا اعانىڭ بۇكىل ءومىر جولى - بۇگىنگى اسكەري پاتريوتتىق رۋحتا تاربيەلەۋدە باعا جەتپەس قۇندىلىق»، - دەدى ءوز سوزىندە گەنەرال-مايور ءو. بولسامبەكوۆ.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى