ۇلى جەڭىستىڭ 70 جىلدىعىنا وراي ەسسە بايقاۋى جاريالاندى

بايقاۋعا 5-8- جانە 9-11- سىنىپ وقۋشىلارى قاتىسا الادى. جۇمىستار 15- ساۋىرگە دەيىن قابىلدانباق. بايقاۋ قورىتىندىسى 15- ساۋىرگە دەيىن شىعارىلادى. شارتى بويىنشا، ەلىمىزدىڭ ءاربىر ايماعىنان ءۇش ۇزدىك جۇمىس ىرىكتەلىپ الىنادى. ولاردىڭ اۆتورلارى اقشالاي سىيلىقپەن جانە العىس حاتتارمەن ماراپاتتالاتىن بولادى. سونداي-اق، جۇمىستارى رەسپۋبليكادا ۇزدىك دەپ تانىلعان وقۋشىلار مەن ولارعا جەتەكشىلىك ەتكەن مۇعالىمدەرى ق ر ءبىلىم جانە عىلىم ءمينيسترىنىڭ ماقتاۋ قاعازىمەن ماراپاتتالادى. بايقاۋ شارتتارىمەن تولىعىراق قوزعالىستىڭ سايتىندا www.kz2050.kz تانىسۋعا بولادى.

بايقاۋدىڭ ماقساتى - وقۋشىلاردى فاشيزممەن كۇرەستە ولشەۋسىز ۇلەس قوسقان حالقىنىڭ ەرلىگىن ماقتان تۇتۋعا باۋلۋ، ۇلكەندى قۇرمەتتەۋگە ۇندەۋ، وسكەلەڭ ۇرپاق بويىندا ەلدىڭ بەيبىت بولاشاعى ءۇشىن ازاماتتىق جاۋاپكەرشىلىگىن قالىپتاستىرۋ.

«جەڭىستىڭ تۋى جەلبىرەگەن قۋانىشتى كۇنگە 70 جىل. بۇل - گەرمانيانى ەمەس، فاشيزمدى جەڭگەن كۇن. بۇل - تىلىنە، دىلىنە، دىنىنە قاراماستان ادام بولۋ، ادامدىقتى مويىنداتۋ قۇقىعىنا يە بولۋ جولىنداعى جەڭىس. بۇل جەڭىسكە قول جەتكىزۋدە قازاقستاندىقتاردىڭ كۇش قوسۋى زور ىقپال ەتتى. اشىق اسپان استىندا بەيبىت ءومىر ءسۇرىپ جاتقانىمىز دا سول ەرجۇرەك اعا-اپالارىمىزدىڭ قايسارلىعى، ەرەن ەڭبەگى مەن شىدامدىلىعىنىڭ ارقاسى. ال ءبىزدىڭ مىندەتىمىز الدىڭعى بۋىن اماناتىن، ياعني بەيبىت ءومىردى ساقتاۋ، قورعاۋ، ۇرپاققا تابىستاۋ» دەپ اتاپ ءوتتى، قوزعالىستىڭ كەڭەس ءتوراعاسى دانات جۇمين.

بايقاۋ «سامۇرىق-قازىنا» ۇلتتىق ءال-اۋقات قورى مەن ق ر ءبىلىم جانە عىلىم مينيسترلىگى قولداۋىمەن وتكىزىلىپ وتىر.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى