جەڭىستىڭ 70 جىلدىعىنا وراي ر ف- نىڭ ۆولگوگراد قالاسىندا قازاقستاندىق ساربازدارعا ارنالعان ەسكەرتكىش ورناتىلماق
ونىڭ ايتۋىنشا، بۇعان ق ر قورعانىس، مادەنيەت جانە سپورت مينيسترلىگى قولداۋ كورسەتۋدە. وتكەن جىلى شىلدە ايىندا قازاق ەلىنەن قازاقستاننىڭ ەڭبەك سىڭىرگەن ساۋلەتشىسى سەرىك ارىستانبەكوۆ ۆولگوگرادقا ارنايى بارىپ، جوسپارىن قۇرىپ، جۇمىستانعان. قازاقستان تاراپىنان بۇل شاراعا 80 ميلليون تەڭگە ءبولىندى.
«ارينە، ءبىزدىڭ بۇدان باسقا دا اتقاراتىن جۇمىستارىمىز از ەمەس. سونىڭ ىشىندە ەدىل بويىن مەكەندەگەن قانداستارىمىز، اسىرەسە، جاستارىمىزعا انا ءتىلىن ۇيرەنۋىنە جاعداي جاساۋ - باستى پارىزىمىز. وسى ورايدا قازاقتار كوپ شوعىرلانعان اۋىل-ايماقتاعى مەكتەپ، باسقا دا ءبىلىم وردالارىندا قازاق تىلىنەن فاكۋلتاتيۆ ساباقتار بەرگىزۋ جونىندە جوسپار جاسالىپ، قۇجاتتار ازىرلەنۋدە. بۇل رەتتە قازاقستان، سونىڭ ىشىندە ۆولگوگرادقا كورشىلەس ورنالاسقان وبلىستاردان ادىستەمەلىك، ارنايى ادەبيەتتەرمەن قامتۋ، كادرلار بىلىكتىلىگىن ارتتىرۋ باعىتىندا كومەكتەر قاجەت. سول سەكىلدى ۆولگوگراد وبلىسى بويىنشا قازاق تىلىندە گازەت شىعارۋ ءىسىن دە قولعا الدىق. ەڭ باستىسى، شەتتە جۇرسەك تە، انا ءتىلىمىزدى ۇمىتپاي، حالقىمىزدىڭ مادەنيەتى مەن ۇلتتىق سالت-داستۇرلەرىن ناسيحاتتاي بەرسەك دەيمىز»، دەدى ا. احمەتوۆ.
جانىبەك اۋدانىنىڭ اكىمى مۇرات مۇقايەۆتىڭ ايتۋىنشا، ۆولگوگرادتىق اعايىندارمەن بارىنشا تىعىز قارىم-قاتىناس ورنىققان. جانىبەك ۆولگوگرادتىڭ پاللاسوۆ سىندى كورشىلەس اۋداندارىمەن قاشاندا ءوزارا ءتيىمدى بايلانىس جاساۋعا مۇددەلى. بۇل رەتتە الىس-بەرىس، ساۋدا اينالىمى ءوز الدىنا، مادەنيەت، رۋحانيات سالاسىندا دا ءجيى ارالاسۋدىڭ ماڭىزى زور. ۆولگوگرادتىق قانداستارعا جانىبەكتىكتەردىڭ دە قولدان كەلەر كومەگى دايىن.
ايتا كەتەيىك، ستالينگراد مايدانىندا قازاقستاندىقتار از قازا تاپقان جوق. سونىمەن قاتار وعان ءتيىپ تۇرعان باتىس قازاقستاننىڭ جانىبەك، وردا اۋداندارى سوعىس جاعدايىنا كەلتىرىلدى. سول كەزدە وسى وڭىردە جاۋىنگەرلەرمەن قاتار بەيبىت تۇرعىندار دا جاۋ بومباسىنىڭ استىندا قالىپ، قازاعا ۇشىرادى. كوپتەگەن عيماراتتار ءبۇلىندى.
اۆتور: ەلجان ەرالى
