فرانسيالىق اقپارات اگەنتتىگى ءوزىنىڭ 70 جىلدىعىن اتاپ ءوتتى
ەل باسشىسى مەرەيتويعا بايلانىستى ءوزىنىڭ ىزگى تىلەكتەرىن AFP- ءتىڭ جانىندا ورنالاسقان برونيار سارايىندا ۇيىمداستىرىلعان سالتاناتتى جيىندا ءبىلدىردى.
«AFP اقپارات تاراتۋدا ءوزىنىڭ تاۋەلسىزدىگىمەن ءارى سەنىمدىلىگىمەن ايگىلى. اگەنتتىك كۇنىنە 5 مىڭعا جۋىق اقپارات پەن 3 مىڭعا جۋىق فوتوسۋرەتتەر تاراتادى»، - دەپ اتاپ ءوتتى وللاند.
سونداي-اق ول بۇل مەرەيتويدىڭ اسا ماڭىزدى ەكەنىن، باسپا ءسوز بوستاندىعىن قولدايتىنىن ايتتى.
ال Agence France Presse پرەزيدەنتى ەممانيۋەل وگ الەمنىڭ ءدال قازىرگى ساتتە بايسالدى ءارى سەنىمدى اقپاراتتاردى اسا قاجەتسىنىپ وتىرعانىنا توقتالدى.
«AFP- ءتىڭ الەم بويىنشا 200 گە جۋىق بولىمشەلەرى بار. اگەنتتىك الەمدەگى اقپارات الپاۋىتتارىنىڭ ءبىرى بولىپ تابىلادى»، - دەدى ول.
