شىمكەنتتە 70 پاتەردى توناعان قىلمىستىق توپ اشكەرەلەندى
ولاردىڭ پاتەر ۇرلىعىنىڭ 70 فاكتىسىنە قاتىسى بار ەكەندىگى دالەلدەندى.
«پوليتسەيلەر ءۇي توناۋمەن اينالىسىپ كەلگەن كاسىبي توپتىڭ ىزىنە ءتۇسىپ، ولاردى ۇستاۋ ءۇشىن جارتى جىل ۋاقىت جۇمسادى. ناتيجەسىندە، 1991,1992,1993 جانە 1995 - جىلدارى تۋىلعان ازاماتتار ۇستالدى»، - دەپ حابارلادى و ق و ءى ءى د باسپا ءسوز قىزمەتىندە.
ۇستالعاندار قازىعۇرت اۋدانى مەن شىمكەنت قالاسىنىڭ تۇرعىندارى بولىپ شىقتى. ولار ءۇي يەلەرىنىڭ پاتەرلەرىنەن كەتكەنىن كۇتكەن، سودان كەيىن ۇيگە تەرەزەدەگى جەلدەتكىش ارقىلى نەمەسە پلاستيك تەرەزەنى الىپ تاستاپ كىرگەن.
ۇرىلار كوبىنە التىن بۇيىمدار جانە اقشانى قولدى ەتىپ وتىرعان. ماسەلەن، «سامال-2» شاعىن اۋدانىنداعى ۇيلەردىڭ بىرىنەن ۇرىلار ءبىر ميلليون تەڭگەگە جۋىق قاراجاتتى قولدى ەتكەن. ۇرلاعان بۇيىمدارىن قىلمىسكەرلەر بازارلاردا ساۋدالاعان. اتالعان فاكتىلەر بويىنشا قىلمىستىق ءىس قوزعالدى، تەرگەۋ امالدارى جۇرگىزىلۋدە.
