ورالدا مايدانگەر مەدالىنىڭ قۇجاتى 70 جىلدان سوڭ ۇلىنا تابىس ەتىلدى - فوتو

دەپارتامەنتتىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان قۇجات رەسەي فەدەراتسياسى قورعانىس مينيسترلىگىنىڭ مۇراعاتىندا 70 جىلداي ۋاقىت بويى ساقتالعان ەكەن.

دەپارتامەنتتەگى ەڭبەكقور قىزمەتكەرلەردىڭ ءبىرى، پوليتسيا مايورى باۋىرجان وسپانوۆ ۇلى وتان سوعىسىنا قاتىسقان تۋىسقاندارى جونىندەگى دەرەكتەردى ءتورت جىلدان بەرى ىزدەستىرۋمەن اينالىسقان.

اۋەلى اعاسى ەسەنعالي جاندىبايەۆتى ىزدەستىرەدى. اناسىنىڭ ايتۋىنشا، ول 1939 - جىلى 22 جاسىندا اسكەرگە الىنىپ، 1943 - جىلى كۋرسك شايقاسىندا قازا تاپقانى جونىندە حابار كەلەدى. بۇل كەزدە باۋىرجاننىڭ اكەسى مۇحامبەتقالي دا مايداندا ەدى.

سوعىستان امان ورالعان ول باۋىرى تۋرالى ىزدەستىرگەنمەن، دەرەك تابا المايدى. ەندى بۇعان باۋىرجاننىڭ ءوزى كىرىسىپ، ب ق و قورعانىس ىستەرى جونىندەگى دەپارتامەنتكە جولىعىپ، ر ف قورعانىس مينيسترلىگىنە سۇراۋ سالىپ، حات جازادى.

كوپ ۇزاماي العان جاۋاپتان ەسەنعالي جاندىبايەۆتىڭ 1943 - جىلى كۋرسك شايقاسىندا قازا تاۋىپ، ورەل وبلىسىندا جەرلەنگەنى ايتىلادى. سونىمەن بىرگە كوپتەگەن ۇرىستارعا قاتىسقان اكەسى مۇحامبەتقاليدىڭ ك س ر و جوعارعى كەڭەسى ءتورالقاسىنىڭ 1945 - جىلعى 9 - ماۋسىمداعى جارلىعىمەن «كەنيگسبەرگتى العانى ءۇشىن» مەدالىمەن ماراپاتتالىپ، بۇل قۇجاتتىڭ مۇراعاتتا ساقتالعانى بەلگىلى بولادى.

باۋىرجاننىڭ اناسى كۇلشان دا ۇلى جەڭىستىڭ 70  جىلدىعى قارساڭىندا مۇنداي قۇندى قۇجاتتىڭ قولدارىنا تيگەنىنە ەرەكشە ريزا.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى