اۋىل حالقىنىڭ 70 پايىزى اۋىز سۋ جۇيەسىنە قوسىلدى
«اۋىلدى قولداۋ» باعىتى بويىنشا وتكىزىلگەن ەڭ سوڭعى ساراپشىلىق وتىرىس تۇرعىنداردى اۋىز سۋمەن قامتاماسىز ەتۋگە ارنالدى. وسىعان بايلانىستى، كوپ نارسەنىڭ باسى قايىرىلدى. اۋىل حالقىنىڭ % 70 ى اۋىزسۋ جۇيەسىنە قوسىلدى. تۇيتكىلدى جاي - ورتالىق سۋ قۇبىرىنان جەكەمەنشىك ۇيگە سۋ كىرگىزۋ. ءمالىم بولعانىنداي، اۋىلدىقتاردىڭ كوبىنىڭ بۇعان جاعدايى كەلمەيدى. سوندىقتان دا وسى بويىنشا ايماقتاردىڭ اكىمدەرىنە ءتيىستى ۇسىنىستار بەرىلدى»، - دەيدى ول.
سونىمەن قاتار، دەپۋتات، جاڭا سۋ كوزدەرىن تاۋىپ، اشۋ ماسەلەسىنىڭ وتكىر تۇرعانىن العا تارتتى.
«كەڭەس داۋىرىندە، ياعني، وسىدان 30 جىل بۇرىن جۇرگىزىلگەن گيدرولوگيالىق زەرتتەۋلەر ەسكىردى. قازىرگى تاڭدا ۇكىمەتتەن ينجەنەرلىك- گيدرولوگيالىق جاڭا زەرتتەۋلەرگە قاراجات ءبولىنۋىن سۇراپ وتىرمىز»، - دەيدى ت. يبرايەۆ.
«اۋىلدى دامىتۋ» باعىتى بويىنشا جۇزەگە اسىرىلعان مىندەتتەمەلەردىڭ قاتارىندا اۋىل تۇرعىندارىنىڭ موبيلدىك بايلانىس پەن ينتەرنەتكە قول جەتكىزۋى ەرەكشە ايتىلدى.
«قوسىمشا زەرتتەپ زەردەلەۋدى قاجەت ەتەتىن اۋىل جولدارىن جوندەۋ سەكىلدى ماسەلەلەر دە بار. ەلباسى ءوزىنىڭ ءار سوزىندە اۋىلداردى ينفراقۇرىلىمدارمەن قامتاماسىز ەتۋ كەرەكتىگىن باسا ايتۋمەن كەلەدى. ەڭ باستىسى - جول ماسەلەسى. بۇل تۇيتكىل سايلاۋالدى باعدارلامانى ورىنداۋدىڭ اياسىندا وتە وتكىر تۇر»، - دەپ اتاپ ءوتتى دەپۋتات.
ايتا كەتەيىك، «نۇر وتان» پارتياسىنىڭ سايلاۋالدى تۇعىرناماسى 2011 - جىلى پارتيا سەزىندە قابىلدانعان بولاتىن. وندا بۇل قۇجات الداعى 5 جىلعا ارنالعان «قادامدىق» جوسپار مارتەبەسىن يەلەندى. جاقىن ارالىقتا «نۇر وتان» پارتياسىنىڭ سايلاۋالدى تۇعىرناماسىنىڭ سوڭعى 2,5 جىلداعى ورىندالۋ قورىتىندىلارىنا ارنالعان ساياسي كەڭەستىڭ كەڭەيتىلگەن وتىرىسى وتەدى.
BNews.kz
