قازاقستاندىق دەلەگاتسيا ەسكاتو-نىڭ 70- سەسسياسىنا قاتىستى

ءىس-شاراعا ەسكاتو-عا 40 مۇشە مەملەكەت پەن قاۋىمداستىرىلعان مۇشەلەر قاتىستى، دەپ حابارلادى ق ر س ءى م باسپا ءسوز قىزمەتى.

سەسسيا جۇمىسى ەكونوميكالىق ءوسۋ مەن دامۋدى قولداۋعا باعىتتالعان ايماقتىق بايلانىستىڭ رولىنە جۇمىلدىرىلعان. ونىڭ ىشىندە تۇراقتى دامۋدىڭ ءۇش اسپەكتىسى: الەۋمەتتىك، ەكونوميكالىق جانە ەكولوگيالىق ماسەلەلەرگە باسا نازار اۋدارىلدى.

سەسسيادا باس حاتشىنىڭ ورىنباسارى مەن ەسكاتو-نىڭ اتقارۋشى حاتشىسى د- ر ش. احتار 2014 - جىلعى ازيا تىنىق مۇحيتى ايماعىنداعى ەكونوميكالىق جانە الەۋمەتتىك جاعدايدىڭ نەگىزگى قورىتىندىلارىمەن تانىستىرىپ، وعان قوسا ەسكاتو شولۋىن ۇسىندى.

قورشاعان ورتانى قورعاۋ جانە سۋ رەسۋرستارى ءمينيسترىنىڭ ورىنباسارى بەكتاس مۇحامەدجانوۆ سەسسيانىڭ پلەنارلىق وتىرىسىندا 2015 - جىلدان كەيىنگى ب ۇ ۇ دامۋ كۇن تارتىبىنە قول جەتكىزۋ جانە ازاماتتىق قوعامنىڭ بۇل پروتسەسكە قاتىسۋى، «جاسىل كوپىر» سەرىكتەستىك باعدارلاماسى (ج ك س ب) ۇلگىسىندە ايماقارالىق ىنتىماقتاستىققا باعىتتالعان ۇلتتىق باعدارلامالار ماسەلەسى بويىنشا بايانداما جاسادى.

سەسسيانىڭ مينيسترلىك سەگمەنتىندە ق ر ەلشىسى جانە ەسكاتو جانىنداعى تۇراقتى وكىلى م. ەسەنبايەۆ قازاقستان - 2050 ستراتەگياسى، ەۋرازيالىق ەكونوميكالىق وداق قۇرۋ، ينۆەستيتسيالىق احۋالدى نىعايتۋ ماسەلەلەرىنە توقتالىپ، ق ر الەۋمەتتىك-ەكونوميكالىق باسىمدىلىقتارىن سيپاتتاپ بەردى.

باياندامادا قازاقستاننىڭ ەسكاتو-مەن جانە ازيا-تىنىق مۇۇحيت ايماعىمەن ازىق- تۇلىك، سۋ قاۋىپسىزدىگى مەن ەنەرگەتيكا، اپاتتار قاتەرىن بولدىرماۋ، تەڭىزگە شىعاتىن جولى جوق ەلدەر ءۇشىن الماتى ءىس-قيمىلدار جوسپارى، سپەكا باعدارلامالارى مەن ج ك س ب ىسكە اسىرۋ جونىندەگى عالامدىق ماسەلەلەر بويىنشا ىنتىماقتاستىق ماسەلەلەرى اتاپ ءوتىلدى.

سەسسيا بارىسىندا ەلشى م. ەسەنبايەۆتىڭ ب ۇ ۇ باس حاتشىسىنىڭ ورىنباسارى - ەسكاتو اتقارۋشى حاتشىسى ش. احتارمەن كەزدەسۋى ءوتتى. كەزدەسۋ بارىسىندا كولىك ينفراقۇرىلىمىن دامىتۋ بويىنشا بىرلەسكەن جوبالار مەن باعدارلامالاردى جۇزەگە اسىرۋ، ج ك س ب، الماتىداعى توتەنشە جاعدايلار بويىنشا ورتالىقتىڭ قۇرىلۋى، سونىمەن قاتار جۇزەگە اسىرۋ ناتيجەلەرى تەڭىزگە شىعاتىن جولى جوق دامۋشى ەلدەر بويىنشا ب ۇ ۇ 2 - كونفەرەنسياسىندا (2014 -جىلعى 3-5 - قاراشا، ۆەنا، اۆستريا) قاراستىرىلاتىن ماسەلەلەر تالقىلاندى.

كەزدەسۋدە ترانسشەكارالىق وزەندەر الاپتارىنداعى سۋ رەسۋرستارىن باسقارۋعا ەرەكشە كوڭىل ءبولىندى. ش. احتار ورتالىق ازياداعى سۋ تاپشىلىعى ماسەلەسىن شەشۋدە ەكسپەرتتىك كومەك ۇسىندى.

سەسسياسى قورىتىندىسى بويىنشا ەسكاتو 12- قارارىن قابىلداپ، ونىڭ ۇشەۋى بويىنشا قازاقستان تەڭ اۆتور بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى