ەلباسىنىڭ «نۇرلى جول» جولداۋىن جۇزەگە اسىرۋعا كەلەر جىلى 707,5 ميلليارد تەڭگە بولىنەدى
زاڭ جوباسىنا سايكەس، ەلباسىنىڭ «نۇرلى جول» جاڭا ەكونوميكالىق ساياساتىن ىسكە اسىرۋعا قوسىمشى شىعىستار كوزدەلىپ وتىر. اتاپ ايتقاندا، ۇلتتىق قوردى باسقارۋ جونىندەگى كەڭەستىڭ شەشىمىنە سايكەس، رەسپۋبليكالىق بيۋجەتكە وسى ماقساتتار ءۇشىن ۇلتتىق قوردان 2015-جىلى - 707,5 ميلليارد، 2016-جىلى - 372,5 ميلليارد تەڭگە قاراستىرىلادى. ونىڭ ىشىندە ءبىر تريلليون تەڭگە شەڭبەرىندەگى ەكىنشى ترانشتىڭ شارالارىن ىسكە اسىرۋعا كەلەسى جىلى 360 ميلليارد تەڭگە قارالادى. سونىمەن قاتار، جولداۋدا بەرىلگەن تاپسىرمالاردى ىسكە اسىرۋ ءۇشىن 2015-جىلى - 347, 5 ميلليارد تەڭگە، 2016-جىلى - 372, 5 ميلليارد تەڭگە قارالادى.
«نۇرلى جول» جولداۋى بويىنشا ءبىز ارنايى كوميسسيا قۇردىق، ونى ءبىرىنشى ۆيتسە-پرەمەر باقىتجان ساعىنتايەۆ باسقارادى. وسىعان بايلانىستى، ماجىلىستە قۇرىلىپ جاتقان كوميسسيانى، دەپۋتاتتاردى بەلسەندى جۇمىسقا قاتىسۋعا، «نۇرلى جول» باعدارلاماسىن قابىلداۋعا بىرگە اتسالىسۋعا شاقىرامىز. ەلباسى تاپسىرماسىنا سايكەس، ءبىز الداعى جىلدىڭ ءبىرىنشى قاڭتارىنان جولداۋ اياسىنداعى جۇمىسقا كىرىسەمىز. سوندىقتان دا، الداعى اپتالاردا بەلسەندى ىسكە ارالاسىپ، كەلەر جىلدىڭ باسىنان-اق حالىق جولداۋدىڭ جاڭالىقتارىن سەزىنۋلەرى ءۇشىن جاعداي جاسايتىن بولامىز»، - دەدى ۇكىمەت باسشىسى كارىم ءماسىموۆ.
