شىمكەنتتە 700 دەن استام ەتنيكالىق قازاق قانداس مارتەبەسىن الدى

جىل باسىنان بەرى شىمكەنتكە شەتەلدەن 506 وتباسى كوشىپ كەلگەن. ال، 714 ەتنيكالىق قازاق «قانداس» مارتەبەسىن الدى.

قانداستاردىڭ دەنى وزبەكستان رەسپۋبليكاسىنان قونىس اۋدارعان - 701 ادام. قىتايدان – 3، رەسەيدەن – 7، قىرعىزستاننان - 1 جانە اۋعانستاننان 2 ادام ەلگە ورالعان. ولاردىڭ باسىم بولىگى قۇرىلىس سالاسىندا جۇمىس ىستەيدى، ساۋدا- ساتتىقپەن جانە باسقا دا جالدانبالى جۇمىستارمەن اينالىسادى.

ايتا كەتسەك، شىمكەنتتە 2008 -جىلدان بەرى «قانداستاردى بەيىمدەۋ جانە ىقپالداستىرۋ ورتالىعى» قىزمەت ەتەدى. شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنا قاراستى مەكەمەدە قانداستارعا تۇرمىستىق، الەۋمەتتىك، پسيحولوگيالىق، قۇقىقتىق تۇرعىدا كومەكتەر ۇسىنىلىپ، كاسىبي دايارلاۋ بويىنشا ماماندىقتارعا وقىتۋ، جۇمىسقا ورنالاستىرۋ قىزمەتتەرى كورسەتىلەدى. ورتالىقتا بۇگىندە 13 وتباسى - 29 ادام بەيىمدەۋ قىزمەتتەرىن الىپ جاتىر.

قالالىق «ەڭبەك موبيلدىلىگى» ورتالىعى تاراپىنان 69 قانداس جۇمىسپەن قامتۋدىڭ بەلسەندى شارالارىمەن قامتىلعان. اتاپ ايتقاندا بوس جۇمىس ورىندارىنا، جاستار پراكتيكاسى جانە الەۋمەتتىك، العاشكى جانە قوعامدىق جۇمىس ورىندارىنا جولدانعان. 39 ادام «باستاۋ بيزنەس» جوباسى شەڭبەرىندە ءبىلىم العان.

اۆتور:

قايرات زاينيشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى