قازاقستان ازاماتتىعىن 700 دەن استام شەتەلدىك الادى
دەپ حابارلايدى اقوردانىڭ باسپا ءسوز قىزمەتى.
جيىندا قازاقستان ازاماتتىعىنا قابىلداۋ جانە ودان شىعۋ ماسەلەلەرى قاراستىرىلدى.
مەملەكەت باسشىسى ءتيىستى جارلىققا قول قويعاننان كەيىن بىزگە جاقىن جانە الىس شەتەلدەردەن كەلگەن ءار ءتۇرلى ەتنوستىڭ 734 وكىلى ەلىمىزدىڭ جاڭا ازاماتى بولادى.
مەملەكەتتىك حاتشى تاۋەلسىزدىك العان ساتتەن بەرى 1 ميلليوننان استام ادام ەلىمىزدىڭ ازاماتتىعىن العانىنا توقتالدى. بۇل نۇرسۇلتان نازاربايەۆتىڭ باسشىلىعىمەن ورنىقتى ءوسىپ- وركەندەپ كەلە جاتقان قازاقستاننىڭ الەمدەگى تارتىمدى مەملەكەتتەردىڭ بىرىنە اينالعانىن ايعاقتايدى.
گۇلشارا ءابدىقالىقوۆا تۇڭعىش پرەزيدەنت كۇنى قارساڭىندا جاڭا ازاماتتاردى قۋانا قارسى الاتىنىمىزدى، ولارعا باقىتتى ءومىر جانە بۇدان بىلاي ولاردىڭ دا وتانى بولىپ سانالاتىن ەلىمىزدىڭ يگىلىگى جولىنداعى ەڭبەكتەرىنە تابىس تىلەيتىنىمىزدى ايتتى.
مەملەكەتتىك حاتشى جاڭا وتانداستار ەلىمىزدىڭ لايىقتى ازاماتى بولىپ، تاۋەلسىز قازاقستاننىڭ ودان ءارى دامۋى مەن ءوسىپ- وركەندەۋىنە ءوز ۇلەسىن قوساتىنىنا سەنىم ءبىلدىردى.
سونداي- اق، باسقوسۋ بارىسىندا سىرتقى ىستەر مينيسترلىگىنىڭ جەكەلەگەن باعىتتار بويىنشا قىزمەتىنىڭ قورىتىندىلارى تالقىلاندى.
كوميسسيا وتىرىسىنىڭ قورىتىندىسى بويىنشا ءتيىستى شەشىمدەر مەن ۇسىنىمدار قابىلداندى.
