استانا كۇنىنە ارناپ پىسىرىلگەن 700 كەلىدەن استام بەسبارماق گيننەستىڭ رەكوردتار كىتابىنا ەندى - فوتو
ايتا كەتەيىك، شارانى قازاقستان حالقى اسسامبلەياسى مەن قازاق گەوگرافيا قوعامى «تايقازان» اكسياسى اياسىندا ۇيىمداستىردى.
«بۇل تاعامدى دايىنداۋعا شامامەن 500 كەلىدەن استام ەت، 300 كەلىگە جۋىق پياز، 300 كەلى ۇن ساتىپ الىنعان بولاتىن. دەگەنمەن گيننەس رەكوردتار كىتابىنىڭ تالابى ورىندالعاندىقتان، ولاردىڭ بارلىعى قازانعا سالىنعان جوق. ناتيجەسىندە دايىن بولعان ەتتىڭ سالماعى 750 كەلىگە جۋىق بولدى. بۇگىن تۇركيادان ارنايى كەلگەن گيننەس رەكوردتار كىتابىنىڭ وكىلى وسى تاعامدى ولشەپ، رەكوردتار كىتابىنا ەنگىزدى»، - دەپ اتاپ ءوتتى ۇيىمداستىرۋشىلار.
ۇيىمداستىرۋشىلاردىڭ ايتۋىنشا، ەتتى پىسىرۋگە ەلوردانىڭ ءىرى مەيرامحانالارىنان شاقىرىلعان 20 شاقتى باس اسپاز، 20 شاقتى داياشى مەن ەرىكتىلەر قاتىستى.
