الماتىدا بيىل كوكتەمدە 700 پاتەر جالعا الۋ تارتىبىمەن بەرىلەدى - قالالىق تۇرعىن ءۇي باسقارماسى

بۇل تۋرالى بۇگىن الماتىدا وتكەن باسپا ءسوز ءماسليحاتى بارىسىندا قالالىق تۇرعىن ءۇي باسقارماسىنىڭ باسشىسى قايرات نۇرقادىلوۆ ايتتى.

«بيىل «نۇرلى جول» باعدارلاماسى اياسىندا قالادا 4 باعىتتا پاتەر بەرۋ جالعاستىرىلادى. سونىڭ ىشىندە، 900 پاتەر كوممۋنالدىق باسپانا بويىنشا، 480 پاتەر جاس وتباسىلارعا، 660 پاتەر «تۇرعىن ءۇي قۇرىلىس جيناقتاۋشى بانكى» جۇيەسىمەن، 700 باسپانا بيىل كوكتەمدە جالعا الۋ تارتىبىمەن بەرىلەدى»، - دەدى قايرات نۇرقادىلوۆ.

پاتەرلەردى كەيىن ساتىپ الۋ قۇقىعىمەن جالعا بەرۋ مەملەكەت باسشىسىنىڭ باستاماسىمەن قولعا الىنعان بولاتىن.

ونىڭ ايتۋىنشا، پايدالانۋعا بەرىلەتىن پاتەرلەردىڭ قۇنى وزگەرمەيدى.

«1 بولمەلى پاتەردى جالعا الۋ قۇنى كوممۋنالدىق قىزمەتتى قوسپاعاندا 35 مىڭ تەڭگە، 2 بولمەلى پاتەردى الۋ - 55 مىڭ تەڭگە، 3 بولمەلى پاتەردى الۋ 70 مىڭ تەڭگە تۇرادى. العاشقى 700 پاتەر ناۋرىزدا ساتىلا باستايدى»، - دەدى قايرات نۇرقادىلوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى