جەڭىستىڭ 70 جىلدىعىنا وراي استانادا 7 - مامىردا اسكەري پاراد وتەدى

ەسكە سالايىق، وتىرىستا مينيسترلىك وكىلى ۇلى وتان سوعىسى جەڭىسىنىڭ 70 جىلدىعىن اتاپ وتۋگە باعىتتالعان ءىس- شارالار تۋرالى بايانداعان بولاتىن.

 ۆەدومستۆو وكىلىنىڭ ايتۋىنشا، جەڭىستىڭ 70 جىلدىق مەرەيتويىن مەرەكەلەۋ اياسىنداعى ءىس- شارالار بويىنشا ەڭ ءبىرىنشى كەزەكتە سوعىس ارداگەرلەرى مەن مۇگەدەكتەرىن جانە وسى ساناتقا تەڭەستىرىلگەندەردى الەۋمەتتىك قولداۋعا باسا نازار اۋدارىلادى. سونىمەن قاتار، ارداگەرلەردىڭ ت م د اۋماعىندا اتقارىلاتىن ءىس- شارالارعا قاتىسۋىن قامتاماسىز ەتۋ دە كوزدەلەدى.

«مەرەيتويلىق شارالاردىڭ نەگىزگى وزەگى استانادا 7-مامىردا اسكەري پاراد وتكىزۋ بولىپ تابىلادى. بۇل جولعى اسكەري شەرۋدىڭ ەرەكشەلىگى - ول تاريحي جانە زاماناۋي ەكى بولىمنەن تۇرادى. سوسىن پارادقا ۇلى وتان سوعىسىنىڭ ارداگەرلەرى دە قاتىسادى. بۇدان بولەك، اسكەري شەرۋدىڭ ساپالىق جانە ساندىق مازمۇنى دا، قۇرامى دا ارتادى»، - دەدى مۇحامەدجان تالاسوۆ.

ونىڭ ايتۋىنشا، استاناداعى پارادقا 5 مىڭنان استام اسكەري قىزمەتشى، 85 بىرلىك اۆياتسيا تەحنيكالارى، 220 بىرلىكتى اسكەري اۆتوتەحنيكالار قاتىستىرىلماق. «مەرەيتويلىق شارانى مەرەكەلەۋ اياسىندا قورعانىس مينيسترلىگى قاراعاندى وبلىسىنداعى سپاسسك پوليگونىندا تۇڭعىش رەت رەسپۋبليكالىق اسكەري- پاتريوتتىق جاستار جيىنى وتەدى. وعان ەل باسشىلىعى مەن وڭىرلەردەن دەلەگاتسيالار قاتىسادى»، - دەدى م. تالاسوۆ.

بۇدان بولەك، 7 - مامىردا استانادا جەڭىس كۇنى جانە وتان قورعاۋشىلار كۇنىنە ارنالعان ارنايى مەرەكەلىك كونسەرت ۇيىمداستىرىلماق. جەڭىستىڭ 70 جىلدىعى مەرەيتويىنىڭ شارىقتاۋ شەگىندە استانا، الماتى قالالارىندا 7-9 - مامىر ارالىعىندا مەرەيتويلىق وتشاشۋلارمەن كومكەرىلەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى