اجىراسۋدىڭ 70 پايىزى بولماس ەدى: مامان باقىتتى ەرلى-زايىپتىنىڭ 4 قۇپياسىن اتادى
قۋانارلىق جاعداي ەمەس. ءبىراق بارلىق ماسەلەنىڭ شەشىمى بار. ءبىز سىزگە وسى ماقالا ارقىلى وتباسىنى قالاي ساقتاۋ كەرەگىن جانە باقىتتى ءھام تۇراقتى وداق دارەجەسىنە قالاي قول جەتكىزۋگە بولاتىنىن ايتامىز. ول ءۇشىن تومەندەگى ەرەجەلەرگە ءمان بەرىڭىز.
ەگەر ەرلى- زايىپتى كۇندەلىكتى ومىردە «تابىستى قارىم-قاتىناستىڭ ءتورت ەرەجەسىن» قولدانسا، اجىراسۋدىڭ %70 ى بولماس ەدى.
فيدبەك بەرۋ
قارىم- قاتىناس باقىتتى بولۋى ءۇشىن ەرلى-زايىپتىلاردىڭ اراسىندا جاقسى قارىم-قاتىناس بولۋى كەرەك. ءبىر-ءبىرىنىڭ وتباسىدان تىس ومىرىندە نە بولىپ جاتقانىنا جانى اشۋى ماڭىزدى. بۇل كۇننىڭ قالاي وتكەنىن ۇنەمى ەگجەي-تەگجەيلى ايتىپ بەرۋ دەگەن ءسوز ەمەس. مۇنداي بولماسا ۋاقىت وتە كەلە قاتتى عاشىق جۇپتاردىڭ ءوزى قىزىعۋشىلىقتىڭ جوعالۋىنا ۇرىنادى. كەرى بايلانىس - بۇل كوممۋنيكاتسيا. ومىرلىك سەرىك ەتىپ تاڭداعان ادامىڭىزدى تىڭداڭىز. ءبىر-ءبىرىڭىزدىڭ ومىرىڭىزدە بولىپ جاتقان نارسەلەرگە شىنىمەن قىزىعۋشىلىق تانىتساڭىز، ەكەۋىڭىز دە ءوزىڭىزدى جاقسى سەزىنەسىز.
جاقسى دا، جامان دا سەزىمدەردى ىشتە بۇكپەي، ءبىلدىرىپ وتىرۋ
تابىستى قارىم-قاتىناستىڭ وتە ماڭىزدى قۇپياسى: بەلگىلى ءبىر ارەكەتتەرگە رەاكسياڭىزدى «ەكىنشى جارتىڭىزدان» جاسىرماۋ. جۇبايىڭىزعا ونىڭ قاي ارەكەتى سىزگە ءلاززات بەرەتىنىن، ال نە، كەرىسىنشە، قولايسىزدىق تۋدىراتىنىن ايتىڭىز. بۇل تۋرالى سابىرلى جانە شىنايى سويلەسىڭىز. ودان جاۋاپ نەمەسە رەاكتسيا كۇتپەڭىز، جاي عانا ايتىڭىز. مىسالى، دوستارىڭىزبەن كەزدەسۋ كەزىندە ول ءسىزدى رەنجىتكەن بولسا، وندا ۇيدە كەلگەندە نەمەسە كەلەسى كۇنى وعان ونىڭ مىنەز- قۇلقىندا سىزگە جاعىمسىز اسەر ەتەتىن نارسەلەر بار ەكەنىن اشىق ءتۇسىندىرىڭىز. سودان كەيىن اڭگىمە تاقىرىبىن وزگەرتىڭىز. ءسىزدىڭ سەرىكتەسىڭىز بۇل پروبلەما تۋرالى كەيىن ويلانادى جانە ەگەر ول ءسىزدى شىنىمەن جاقسى كورەتىن بولسا، كەلەسى جولى باسقاشا ارەكەت ەتەدى.
پسيحولوگ-كونسۋلتانت ماناپ الماگۇل: «ەڭ ماڭىزدى ءادىس كۇندە جۇبىڭىزبەن اڭگىمەلەسۋگە 20-30 مينۋت ارناڭىز، تەك وزدەرىڭىز جايلى.
اپتاسىنا 1 رەت وزدەرىڭىزگە 1 كۇن ارناڭىز - بىرگە تاڭعى اس، سەرۋەن، كينو، تەاتر، تەك ەكەۋىڭىز عانا.
جارىڭىزدىڭ 100 قۇندىلىعىن جازىپ قويىڭىز، رەنجىگەن كەزدە الىپ، وقىڭىز، وسىنداي ادامنىڭ سىزگە بۇيىرعانىنا شۇكىر ەتىڭىز.
ادەتتە ءبىز جارىمىزدى ءوزىمىزدىڭ تراۆمامىزداڭ تاڭدايمىز. اكەسىز وسكەن قىز اكەلىك ماحابباتى كۇتەدى. ال ەر ازامات انالىق جىلۋ ىزدەيدى.
ءبىراق اركىم ءوز جۇبىنىڭ ينديۆيد، جەكە تۇرعا ەكەنىن العا شىعارۋى كەرەك. اڭگىمە ءبارىن شەشەدى. ەگەر بالامىزعا جانىمىز اشىپ، اكەسى دە، شەشەسى دە، تۇسىنىكسىز بولعان نارسەنى سۇراپ، شەشۋگە تىرىسىپ، اڭگىمەگە تارتاتىن بولساق، جۇبايىمىزعا دا سونداي جاناشىر بولۋىمىز كەرەك»- دەيدى.
جىلى شىراي تانىتىڭىز
كۇلىمسىرەۋ - جاقسىلىق پەن باقىتتىڭ كورىنىسى. ءسىزدىڭ قارىم- قاتىناسىڭىزدان قالاعانىڭىز وسى ەمەس پە؟ كومەديالاردى بىرگە كورىڭىز، ءازىل ايتىڭىز، ءازىل- قالجىڭعا تولى پىكىرلەر ايتىڭىز، كۇلىمسىرەۋ ءۇشىن كەز كەلگەن سىلتاۋ تابىڭىز. ءازىل سەزىمى ۇزاق مەرزىمدى قارىم- قاتىناس ءۇشىن كەرەمەت قۋات ەكەنى ءسوزسىز.
قۇشاقتاسۋدىڭ ماڭىزىن عىلىم دا دالەلدەگەن
تابىستى قارىم-قاتىناسقا ارنالعان ەرەجەلەر جيىنتىعى فيزيكالىق بايلانىسسىز تولىققاندى بولمايدى. كۇن سايىن ءسىز قۇشاقتاۋ، ءسۇيۋ ارقىلى ءبىر- بىرىڭىزگە دەگەن سۇيىسپەنشىلىگىڭىزدى كورسەتۋىڭىز كەرەك: شىن جۇرەكتەن قۇشاقتاۋ، كۇتپەگەن ءسۇيىسۋ، قول ۇستاسىپ سەرۋەندەۋ، ارقاسىنان سيپاۋ.. . وسىنىڭ بارلىعى قارىم- قاتىناستى نىعايتادى. ولار قوس عاشىق ءۇشىن دە ادەتكە اينالسا، ءسىز ماحابباتتىڭ ۋاقىت وتە كەلە قالاي ءوسىپ، كۇشەيەتىنىن كورەسىز.
سۇيىكتى ادامىڭىزعا قارىم- قاتىناستىڭ وسى قۇپيالارىن ايتىپ، سەزىمىڭىزدى ساقتاۋعا بىرگە ەڭبەكتەنىڭىز.
