قازاقستاندا جۇك تاسىمالدايتىن كولىكتەردىڭ 70 پايىزى ەۋرو-4 جانە ەۋرو-5 ستاندارتتارىنا ساي
كومپانيانىڭ باسپا ءسوز قىزمەتىنىڭ مالىمدەۋىنشە، وداق بىلتىر «اتامەكەن» ۇ ك پ، «ق ت ج» جانە سالالىق قاۋىمداستىقتارمەن ىنتىماقتاستىقتا كولىك- لوگيستيكا سالاسىنىڭ دامۋىنا كەدەرگى بولىپ وتىرعان توسقاۋىلداردى جويۋ بويىنشا قىرۋار جۇمىس اتقارعان. اتاپ ايتقاندا، وتاندىق جۇكتەردى تاسىمالداۋ ءۇشىن قازاقستان ۆاگوندارىن پايدالانۋ كورسەتكىشىن %90- كە دەيىن جەتكىزۋ بويىنشا شارالار قاراستىرىلعان.
«اۆتوكولىك سالاسىندا ايتارلىقتاي ناتيجەگە قول جەتكىزىلدى. قولدانىستاعى كولىكتىڭ ىشىندەگى ەۋرو-4 جانە ەۋرو-5 ستاندارتتارىنا جاۋاپ بەرەتىن اۆتوموبيلدەردىڭ ۇلەسى 2015 -جىلى %48,3 بولسا، قازىر % 70- كە جەتىپ وتىر»، - دەيدى كومپانيا باسپا ءسوز قىزمەتىنىڭ وكىلدەرى.
بۇرىن «KAZLOGISTICS» قازاقستان كولىك وداعىنىڭ باس ديرەكتورى قانات الماعامبەتوۆ اۆتوموبيل كولىگى بىلتىرعىمەن سالىستىرعاندا، % 50 ارتىق ترانزيتتىك جۇكتەردى تاسىمالداعانىن ايتقان بولاتىن.
