تۇركىستان وبلىسىندا كوروناۆيرۋس جۇقتىرعان 7 ادامنىڭ ەڭ كىشىسى 6 جاستا
« كوروناۆيرۋس جۇقتىرعان اداممەن بايلانىستا بولعان ازاماتتاردى تەكسەرۋ بارىسىندا ارىس قالاسىنىڭ 1969، 2011، 2009، 2014 -جىلعى تۇرعىندارىنان، كەنتاۋ قالاسىنىڭ 1990 -جىلعى، تۇركىستان قالاسىنىڭ 1994 -جىلعى تۇرعىنىنان تابىلدى. سونىمەن قاتار، قازىعۇرت اۋدانىنىڭ 1967 -جىلعى ازاماتشاسىنان الىنعان سىناما دا ونىڭ ۆيرۋستى جۇقتىرعانىن كورسەتتى»، - دەلىنگەن توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ جەدەل شتابى.
جەدەل شتاب تاراتقان مالىمەتتەرگە قاراعاندا، قازىرگى تاڭدا، اتالعان ناۋقاستارمەن جاقىن بايلانىستا بولعاندار انىقتالىپ، مەديتسينالىق باقىلاۋعا الىنۋدا. ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ءتيىستى ەم الۋدا. اۋرۋ وشاقتارىندا دەزينفەكسيالىق جۇمىستار جۇرگىزىلىپ جاتىر. وسى كەزدە تۇركىستان وبلىسىندا ۆيرۋس جۇقتىرعاندار سانى 162 ادامدى قۇراپ وتىر، ونىڭ ىشىندە جازىلىپ شىققاندارى - 52 ادام.
