ايفون 7 نىڭ ايفون 6 دان قانداي ارتىقشىلىقتارى بولادى؟
بۇل تۋرالى The International Business Times كە سىلتەمەمەن Lenta.ru جازادى.
دەرەكتەرگە سايكەس، iPhone 7 نىڭ ديسپلەيى iPhone 6 Plus كە (ديوگانالى بويىنشا 5,5 ديۋيم) قاراعاندا ۇلكەن بولماق.
بۇدان باسقا، باسەكەلەستەرىنە كەي تۇستارىنىڭ كەمشىلىگىنەن جول بەرگەن iPhone 5 قاتەلىگىن بولدىرماۋ ءۇشىن ونىڭ بەينەروليك كورسەتۋ ساپاسى جوعارى، ياعني انىق ءارى تۇنىق بولماق.
فرونتالدىق پانەلدەن ساۋساق تاڭباسى تەتىگىمەن بولماۋى مۇمكىن، ەسەسىنە سەنسورلىق ەكرانداعى ينتەرفەيستىڭ ناۆيگاتسيا مۇمكىندىگى جەتىلدىرىلمەك. اپپاراتتى اشۋ ءۇشىن ادام ءتۇرىن تانۋ تەحنولوگياسى پايدا بولادى دەپ كۇتىلۋدە.
iPhone 5S شىعار الدىندا كەي باق ساۋساق تاڭبالارى سكانەرى ەكرانعا ورنالاستىرىلادى دەپ بولجاعان. ءبىراق بۇل تەك بولجام بولىپ شىقتى.
iphone 7 update رەسۋرسىنىڭ بولجامىنشا، Apple سمارتفونىنىڭ ەكرانى جاقۇت شىنىدان جاسالۋى مۇمكىن. ول Gorilla glass جابىندىسىنا قاراعاندا ءتوزىمدى بولىپ كەلەدى. اپپارات كورپۋسى تۇتاستاي «سۇيىق مەتالدان» جاسالۋى مۇمكىن.
ۇزاق ۋاقىتتان بەرى iPhone كامەراسى تۇنىقتىعى 8 مەگاپيكسەل بولىپ كەلەدى. ەندى ول 14 گە دەيىن ۇلعايادى. قۇرىلعىنىڭ سونداي-اق كىرىكتىرمە پروەكتورى بولماق. بۇل بيزنەس پايدالانۋشىلارىن قىزىقتىرۋى مۇمكىن.
بۇرىن مۇنداي ارتىقشىلىق Samsung Beam پەن Lenovo پلانشەتىندە بولعان.
ب ا ق iPhone 7 نىڭ ءتورت يادرولى پروتسەسسورى بولادى دەپ بولجاۋدا. جادى كولەمى - 256 گيگابايتقا دەيىن ۇلعايادى. سونىمەن بىرگە، ەلەكتر ۇنەمدەۋ تەحنولوگياسىنىڭ ارقاسىندا باتارەيانىڭ جۇمىس مەرزىمىن ۇلعايتۋ كۇتىلۋدە.
