جاپونيا قارۋلى كۇشتەرى 7,5 مىڭ اۋرۋ شوشقانى جويۋعا كىرىستى

ولارعا شامامەن 7,5 مىڭ شوشقانى جويۋعا بۇيرىق بەرىلگەن، دەپ حابارلايدى قازاقپارات Kyodo اگەنتتىگىنە سىلتەمە جاساپ.

بۇل ەلدە بەلەڭ العان شوشقا تىرىسقاعىنىڭ تارالۋىنا توسقاۋىل قويۋ شارالارىنىڭ ءبىرى.

اگەنتتىك تاراتقان حابارلارعا قاراعاندا، گيفۋ پرەفەكتۋراسىنا وسىمەن التىنشى رەت ىندەت تاراپ وتىر. وسىعان بايلانىستى جاپونيا پرەمەر-ءمينيسترىنىڭ كەڭسەسىندە داعدارىس شتابى قۇرىلدى.

ەسكە سالا كەتەيىك، 1992-جىلى ەلدىڭ وڭتۇستىك-باتىسىنداعى كۋماموتو پرەفەكتۋراسىندا ەل تاريحىنداعى ەڭ اۋقىمدى ىندەت تاراعان بولاتىن. 2007-جىلى شوشقا تىرىسقاعىنىڭ تۇبىرىمەن جويىلعانى تۋرالى جاريالانعان.

ايتا كەتەيىك، تىرىسقاقتىڭ وسى ءتۇرى شوشقالار مەن قاباندار ءۇشىن قاتەر توندىرەدى، ءبىراق ادام ءۇشىن قاۋىپتى ەمەس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى