پروكۋرور ليليا راحتى 7,5 جىلعا باس بوستاندىعىنان ايىرۋدى سۇرادى

پروكۋرور «راح ءىسى» بويىنشا سوتتالۋشىلاردىڭ ءبىرى مير پازدى جەكە مۇلكىن تاركىلەي وتىرىپ، جالپى رەجىمدەگى كولونيادا 8 جىل 6 ايعا قاماۋدى، يسلام ميسيروۆ پەن باحىت شالبايەۆتى 8 جىلعا باس بوستاندىعىنان ايىرۋدى، سونداي-اق مەملەكەتتىك ايىپتاۋشى سوڭعى ەكەۋىنىڭ دە جەكە مۇلكىن تاركىلەۋدى سۇرادى.

بۇعان دەيىن حابارلاعانىمىزداي، اپتا سوڭىندا وتكەن سوت وتىرىسىندا ايىپتالۋشىلار: يسلام ميسيروۆ پەن باحىت شالبايەۆ ىسكە قاتىستى جاۋاپ بەرىپ، جابىرلەنۋشى حامرو سۋۆانوۆپەن مامىلەگە كەلگەنىن ايتقان بولاتىن.

ەسكە سالا كەتەيىك، حامرو سۋۆانوۆ سوت تالقىلاۋىندا ليليا راحتى كەشىرگەنىن، ونىمەن باس ارازدىعى بولماعانىن ايتىپ، قىلمىستىق جاۋاپكەرشىلىكتەن بوساتۋدى سۇراعان. ليليا راحتىڭ اۆدوكاتى قورعاۋىنداعى ازاماتشانىڭ ۋاقىتشا تەرگەۋ اباقتىسىندا دەنساۋلىعى ناشارلاۋىنا بايلانىستى ونى قاماۋدا ۇستاۋ تۋرالى سوت قاۋلىسىن ءۇي قاماققا اۋىستىرۋ نەمەسە كەپىلدىك ارقىلى بوساتۋ تۋرالى سوتقا ءوتىنىم بەرگەن.

الايدا، سوت ليليا راحتى ۋاقىتشا تەرگەۋ اباقتىسىندا قاماۋدا ۇستاۋ مەرزىمىن 2016 -جىلدىڭ 15 -جەلتوقسانىنا دەيىن ۇزارتتى. بارلىق سوتتالۋشى كىنالارىن مويىندامادى.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى