قازاقستاننىڭ استىق ەكسپورتى الەۋەتى 7,5 ميلليون توننانى قۇرايدى

«اۋىل شارۋاشىلىعى ءوندىرۋ كولەمىنىڭ ءوسىمى 4,4 پايىزدى قۇرادى. ول وسىمدىك شارۋاشىلىعى ونىمدەرى ءوندىرىسى كولەمىنىڭ 5,6, ال مال شارۋاشىعى ونىمدەرى ءوسىمىنىڭ 3,2 پايىزعا ارتۋى ەسەبىنەن قامتاماسىز ەتىلدى. العاشقى سالماقتا شامامەن 27 ميلليون توننا استىق باستىرىلدى.

بۇل 2014-جىلمەن سالىستىرعاندا 3,4 ميلليون تونناعا ارتىق. ەكسپورتتىق الەۋەت 7,5 ميلليون توننانى قۇرايدى»، - دەدى ب. ساعىنتايەۆ.

ب. ساعىنتايەۆتىڭ اتاپ وتۋىنشە، ونەركاسىپ وندىرىستەرىن قولداۋ جونىندەگى ناقتى شارالاردى دەر ۋاقىتىندا قابىلداۋدىڭ ارقاسىندا ءوندىرىس كولەمى تومەندەگەن جوق. دەگەنمەن، ونەركاسىپ ءوندىرىسى 1,6 پايىزعا، تاۋ-كەن ءوندىرىسى 2,5 پايىزعا تومەندەگەن. مۇناي ءوندىرۋ كولەمى 1,7, كومىر - 5، تەمىر كەنى 22 پايىزعا تومەندەگەن.

«بۇل قىتاي تارابىنان سۇرانىستىڭ تومەندەۋىنە بايلانىسى جايت. ءبىراق، قازاقستاننىڭ وڭدەۋ ونەركاسىبىندە 0,2 پايىز دەڭگەيىندەگى ءوسىم قارقىنى بايقالادى. ءتۇستى مەتتالۋرگيا ونىمدەرىن شىعارۋ 23,6، ال قارا مەتاللۋرگيا 0,9 پايىزعا ءوستى»، - دەدى ۇكىمەت باسشىسىنىڭ ءبىرىنشى ورىنباسارى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى