قازاقستاننىڭ ۇزدىك جاس عالىمىنا 7,5 ميلليون تەڭگە تاپسىرىلادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز قىزمەتىندە ءمالىم بولدى.
اتاپ ايتقاندا، ينۆەستيتسيالار جانە دامۋ مينيسترلىگى بايقاۋدى بەس اتالىم بويىنشا وتكىزۋ شەشىمىن قابىلدادى.
بۇگىننەن باستالعان وسى بايقاۋ «وقۋشىلار اراسىنداعى ۇزدىك جوبا»، «ۇزدىك جاس عالىم»، «جىلدىڭ ۇزدىك ونەرتاپقىشتىق شەشىمى»، «كاسىپورىندا ونەرتاپقىشتىقتى قولداۋدىڭ ۇزدىك جۇيەسى»، «يننوۆاتسيالىق تاقىرىپتاعى ۇزدىك ءتىلشى ماتەريالى» اتالىمدارى اياسىندا ۇيىمداستىرىلادى.
«تەحنولوگيالىق دامۋ جونىندەگى ۇلتتىق اگەنتتىك» ا ق باسقارماسى ءتوراعاسىنىڭ ورىنباسارى جۇماتاي ءسالىموۆتىڭ سوزىنە قاراعاندا، قازاقستانداعى بريتاندىق كەڭەسپەن بىرگە بالالاردىڭ ۇزدىك يننوۆاتسيالىق جوبالارى ىرىكتەلىنەدى. سونىمەن قاتار اتالعان كەڭەستىڭ قولداۋىمەن لوندونداعى FameLab بايقاۋىنىڭ گراند فينالىندا ەلىمىزدىڭ نامىسىن قورعايتىن ۇزدىك جاس عالىم انىقتالادى.
سونىمەن، «وقۋشىلار اراسىنداعى ۇزدىك جوبا» اتالىمىنا ورتا مەكتەپتەردىڭ 5-11 -سىنىپ وقۋشىلارى مەن كوللەدجدەردىڭ 1 جانە 2 -كۋرس ستۋدەنتتەرى قاتىسا الادى. وتىنىمدەردى قابىلداۋ 22 -قاراشاعا دەيىن جالعاسادى، ال بايقاۋدىڭ اقتىق سىنى استانادا 11 -جەلتوقساندا وتكىزىلەدى. جەڭىمپازدار مەن جۇلدەگەرلەر ۇلى بريتانياعا بىلىمدەرىن جەتىلدىرۋ ساپارىمەن بارادى.
«ۇزدىك جاس عالىم» اتالىمىندا جەڭىمپاز دەپ تانىلعان 7500000 تەڭگەنى قۇرايتىن باس جۇلدەنى الاتىن بولادى، سونداي- اق 2- مەن 3- ورىندى يەلەنگەندەرگە،
سايكەسىنشە، 2500000 جانە 1500000 تەڭگە تاپسىرالادى. مۇنىمەن قوسا جۇلدە قورىنا ۇلى بريتانياعا بارۋ ءۇشىن ۆيزالىق قولداۋ كورسەتۋ ءۇشىن جانە ۇشىپ بارۋ جولاقىسى كىرەدى. بايقاۋدىڭ فينالى ەلوردادا 11 -قاراشادا وتەدى.
بۇدان بولەك، «جىلدىڭ ۇزدىك ونەرتاپقىشتىق شەشىمى» اتىلىمىندا ءبىرىنشى ورىنعا - 2500000 تەڭگە، ەكىنشى ورىنعا - 1500000 تەڭگە، ال ءۇشىنشى ورىنعا - 1000000 تەڭگە كولەمىندە جۇلدە قورى قاراستىرىلعان.
ب ا ق وكىلدەرى اراسىندا يننوۆاتسيا تاقىرىبىنداعى ۇزدىك ماتەريالدار «مەرزىمدىك باسىلىمداعى ۇزدىك ماتەريال»، «ۇزدىك راديوباعدارلاما»، «ۇزدىك تەلەۆيزيالىق سيۋجەت»، «ۇزدىك ينتەرنەت- ماتەريال/ۇزدىك بلوگەر» اتالىمدارى اياسىندا ىرىكتەلىنەدى. قاتىسۋعا وتىنىمدەر قابىلداۋ 25 -قازانعا دەيىن جالعاسادى. باس جۇلدەنى يەلەنگەن جۋرناليستكە 1 ميلليون تەڭگە تاپسىرىلادى.
قاتىسۋشىلاردىڭ وتىنىمدەرى «ت د ۇ ا» ا ق- نىڭ (natd.gov.kz) رەسمي سايتىنا ونلاين قابىلدانادى.
اۆتور: رۋسلان عابباسوۆ
