وتباسى بانك سالىمشىلارى «7-20-25» باعدارلاماسىنىڭ ورنىنا ۇسىنىلعان يپوتەكاعا قالاي قاتىسادى
بۇعان دەيىن «وتباسى بانك» اكسيونەرلىك قوعامىنان شوت اشىپ، پاتەر الاتىن اقشاسىن سونداعى دەپوزيتكە نەمەسە ارنايى شوتقا جيناپ جۇرگەن ادامدار «7-20-25» باعدارلاماسىنىڭ ورنىنا ۇسىنىلعان جاڭا باعدارلاماعا قاتىسا الا ما ؟
بۇل سۇراققا ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى ەركەبۇلان داۋىلبايەۆ جاۋاپ بەردى.
«بۇيرىق جوباسىنا سايكەس، «وتباسى بانك» سالىمشىلارى يپوتەكالىق تۇرعىن ءۇي قارىزدارى بويىنشا سىياقى مولشەرلەمەسىنىڭ ءبىر بولىگىن وتەۋ ءۇشىن كۆازيمەملەكەتتىك سەكتور سۋبەكتىلەرى ارقىلى سۋبسيديالانا المايدى.
«وتباسى بانك» سالىمشىلارى سىياقى مولشەرلەمەسىنىڭ ءبىر بولىگىن وتەۋ ماقساتىندا كۆازيمەملەكەتتىك سەكتور سۋبەكتىلەرى ارقىلى سۋبسيديالانۋى ءۇشىن جيناعان قاراجاتتارىن شەشىپ الۋى ءتيىس»، - دەپ جازىلعان ۆيتسە- ءمينيستردىڭ قازاقپارات ساۋالىنا جولداعان جاۋابىندا.
ەسكە سالا كەتەيىك، مينيسترلىك جاڭا يپوتەكالىق باعدارلامانىڭ شارتتارىن «اشىق ن ق ا» پورتالىندا جاريالاپ، كوپشىلىك تالقىسىنا ۇسىنعان بولاتىن.
ۆيتسە- ءمينيستردىڭ مالىمەتى بويىنشا، بۇيرىق جوباسى بۇگىندە ۇلتتىق ەكونوميكا جانە قارجى مينيترلىكتەرىنىڭ كەلىسىمىن الماعان.
«الداعى ۋاقىتتا جوعارىدا اتاپ وتكەن مينيسترلىكتەر كەلىسىمىن بەرگەن جاعدايدا، بۇيرىق جوباسى ادىلەت مينيسترلىگىنەن تىركەۋدەن ءوتىپ، قازاقستان رەسپۋبليكاسى قارجى مينيسترلىگىنىڭ قارجىلاندىرۋىنان سوڭ وتىنىشتەر ازاماتتاردان قابىلداناتىن بولادى»، - دەيدى ءمينيستردىڭ ورىنباسارى.
