جاڭا جىلدان كەيىن «7-20-25» باعدارلاماسى توقتاتىلا ما؟

ۇلتتىق بانكتىڭ باسقارما ءتوراعاسى عالىمجان ءپىرماتوۆ ارنايى بريفينگىدە وسىنداي مالىمەت ايتتى، دەپ حابارلايدى قازاقپارات ءتىلشىسى.

ۇلتتىق بانك «7-20-25» باعدارلاماسىنىڭ تاعدىرىن قالاي شەشپەكشى. بولىنگەن قاراجات اياقتالعانشا جالعاسا ما، الدە جاڭا جىلدان كەيىن توقتاتىلا ما؟»، - دەپ سۇرادى جۋرناليست.

عالىمجان ءپىرماتوۆتىڭ ايتۋىنشا، قازىردىڭ وزىندە بۇل باعدارلاما بويىنشا تۇسكەن وتىنىمدەردىڭ سوماسى قالعان قاراجاتتان كوپ.

«بۇعان دەيىن دە مالىمدەگەنىمىزدەي، اقشا تولىق يگەرىلگەنىن كۇتەمىز. ەستەرىڭىزدە بولسا، ۇلتتىق بانك پاندەميا كەزىندە ەكونوميكانى قولداۋعا قاتىسقان بولاتىن. ءبىز 7 بىردەي باعدارلامانىڭ ءبىر بولىگى بولدىق. ونىڭ بەسەۋى اياقتالىپ قويدى. ەندى ەكى باعدارلاما قالدى. ءبىز بۇرىن مالىمدەگەنىمىزدەي، بۇل باعدارلامالاردان جوسپارلى تۇردە شىعا بەرەمىز. «7-20-25» باعدارلاماسىنان ءبىز بولىنگەن اقشا تولىق يگەرىلىپ بىتكەندە شىعامىز. ناقتى قاشان شىعاتىنىمىز اقشانىڭ قانشالىقتى جىلدام يگەرىلگەنىنە بايلانىستى بولادى. مەنىڭ ەسىمدە بولسا، وتىنىمدەردىڭ سوماسى باعدارلامانىڭ قالعان قاراجاتىنان اسىپ كەتكەن بولۋى كەرەك»، - دەدى ۇلتتىق بانك باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى