قازاقستاندىقتار «7-20-25 باعدارلاماسىمەن» ۇيمەن بىرگە وتاندىق كولىكتەردى دە الا الادى
«2018-جىلدىڭ 1- شىلدەسىنەن «7-20-25» يپوتەكالىق باعدارلاماسى باستالدى. بۇگىندە 43,7 ميلليارد تەڭگە سوماسىنا 3600 نەسيە بەرىلدى. جالپى 92 ميلليارد تەڭگەدەن استام مولشەردە وتىنىمدەر كەلىپ ءتۇستى»، - دەپ ناقتىلادى پرەمەر-مينيستر ورىنباسارى.
سونداي- اق، «7-20-25 باعدارلاماسى اياسىندا وتاندىق كولىكتەر نەسيەگە بەرىلە باستايدى.
ۇلتتىق بانك قازاقستان ازاماتتارى وتاندىق كولىك ساتىپ الاتىنداي جەدەل تۇردە باعدارلاما ازىرلەپ، نەسيە بەرۋگە دايىن. بۇل تۋرالى پرەزيدەنتتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن قۇرامداعى وتىرىسىندا ۇلتتىق بانك ءتوراعاسى دانيار اقىشەۆ ءمالىم ەتتى.
«وتكەن جىلى «7-20-25» باعدارلاماسىن ىسكە قوسقان ەدىك. ەندىگى كەزەكتە، نەسيە بەرۋ اۋقىمىن كەڭەيتۋدى جوسپارلاپ وتىرمىز. 2019-جىلى ۇلتتىق بانك قازاقستان ازاماتتارى وتاندىق كولىكتى ساتىپ الا الاتىنداي جەدەل تۇردە باعدارلاما ازىرلەپ، نەسيە بەرۋگە دايىن وتىر. باعدارلاما نارىقتىڭ قاعيداتتارىنا ساي تۇزىلەدى. بانكتەر ارقىلى «7-20-25» باعدارلاماسىنىڭ ۇلگىسىنە سۇيەنە وتىرىپ جۇمىس جۇرگىزۋ جوسپارلانۋدا»، - دەدى دانيار اقىشيەۆ.
ۇلتتىق بانك ءتوراعاسى كولىك قۇراستىرۋ سالاسى قۇرىلىس سالاسى سەكىلدى جوعارى تەحنولوگيالىق، ەكونوميكاعا مۋلتيپليكاتيۆتىك قايتارىمى بار، كاپيتالى اۋقىمدى سالا ەكەنىن جەتكىزدى.
«اتالعان باستاما يمپورتتى الماستىرۋعا سەرپىن بەرىپ، يمپورتتىق تاۋارلاردىڭ جاعىمسىز سيپاتتا ءوسۋىن توقتاتادى»، - دەدى ول.
ءوز كەزەگىندە پرەزيدەنت بۇل جۇمىس اۆتوموبيل ونەركاسىبىنە وڭ اسەرىن تيگىزەتىنىن اتاپ ءوتىپ، بۇل باستاماعا قولداۋ بىلدىرەتىنىن ايتتى.
«بۇل جۇمىستى ەگجەي-تەگجەيلى ۇكىمەتپەن تالقىلاۋعا دايىنبىز»، - دەپ ءتۇيدى ءسوزىن ۇلتتىق بانك ءتوراعاسى.
ەسكە سالا كەتسەك، استانادا ق ر پرەزيدەنتى نۇرسۇلتان نازاربايەۆتىڭ توراعالىعىمەن ۇكىمەتتىڭ كەڭەيتىلگەن قۇرامداعى وتىرىسى ءوتىپ جاتىر.
