ۇلتتىق بانك: «7-20-25» اياسىندا كەپىل مۇلكىن كەدەرگىسىز ساتۋ مۇمكىندىگى بولۋى ءتيىس
بۇل تۋرالى پارلامەنت سەناتىنىڭ جالپى وتىرىسىندا ق ر ۇلتتىق بانكىنىڭ ءتوراعاسى دانيار اقىشەۆ ءمالىم ەتتى، دەپ حابارلايدى قازاقپارات.
«7-20-25» باعدارلاماسىنا توقتالعان ۇ ب باسشىسى: «مەملەكەت باسشىسىنىڭ «ءاربىر وتباسى ءۇشىن باسپانا الۋدىڭ جاڭا مۇمكىندىكتەرى» الەۋمەتتىك باستاماسىن ىسكە اسىرۋ ءۇشىن قۇقىقتىق ورتا قۇرۋ قاجەت. ول كرەديتور مەن قارىز الۋشىنىڭ مۇددەلەرى اراسىندا تەڭدىكتى قامتاماسىز ەتەدى. باعدارلامانىڭ بولاشاقتا ورنىقتى بولۋىنىڭ ماڭىزدى تالابى بانك پەن بورىشكەردىڭ نارىقتىق پرينسيپتەردى ساقتاۋى بولىپ تابىلادى. ونىڭ ىشىندە پروبلەمالىق بەرەشەكتى سوتقا دەيىن رەتتەۋ ماڭىزدى»، - دەدى.
سونىمەن قاتار دانيار اقىشەۆ كەپىل ينستيتۋتى جان-جاقتى بولۋى كەرەك ەكەنىن، كەپىل ۇستاۋشىنىڭ ءوز تالاپتارىن قاناعاتتاندىرۋ ءۇشىن كەپىل مۇلكىن كەدەرگىسىز ءارى دەرەۋ ساتۋ مۇمكىندىگى بولۋعا تيىستىگىن اتاپ ءوتتى.
«مۇنداي تۇزەتۋلەرسىز 7-20-25 باعدارلاماسىن ءساتتى ىسكە اسىرۋ مۇمكىن ەمەس. زاڭنامالىق تۇزەتۋلەر قابىلدانعان جاعدايدا، بانكتەر حالىققا جاقىن ارادا نەسيەلەر بەرە باستايدى»، - دەدى ول.
