ۇلتتىق بانك: «7-20-25» باعدارلاماسى اياسىندا بانكتەر 200 ميلليارد تەڭگە الادى

سەناتتىڭ قارجى جانە بيۋدجەت كوميتەتىنىڭ كەڭەيتىلگەن وتىرىسىندا ق ر ۇلتتىق بانك ءتوراعاسىنىڭ ورىنباسارى الپىسباي احمەتوۆ ءمالىم ەتتى، دەپ حابارلايدى قازاقپارات.

«قاڭتار- ساۋىردە جاڭا نەسيەلەردى بەرۋ وتكەن جىلدىڭ سايكەس كەزەڭىنە قاراعاندا 27 پايىزعا نەمەسە 814 ميلليارد تەڭگەگە ارتتى. ناتيجەسىندە، بانكتىڭ نەسيەلىك پورتفەلى جىلدىق ماندە ءساۋىردىڭ قورىتىندىسى بويىنشا 12,1 پايىزعا ءوستى»، - دەدى احمەتوۆ.

ونىڭ اتاپ وتۋىنشە، ۇزاق مەرزىمدى نەسيەلەۋدى قامتاماسىز ەتۋ ءۇشىن ۇلتتىق بانك ءبىرقاتار باستامالاردى ىسكە اسىرىپ جاتىر. وسى ورايدا زاڭنامالىق دەڭگەيدە بانكتەردىڭ قور جيناۋ مەرزىمىن ۇزارتاتىن تەتىكتەردى ەنگىزۋ كوزدەلىپ وتىر.

سونىمەن قاتار الپىسباي احمەتوۆ تاياۋ ارادا بانكتەر «7-20-25» باعدارلاماسى اياسىندا 200 ملرد تەنگە الاتىنىن اتاپ ءوتتى. بولاشاقتا ول سوما 1 تريلليون تەڭگەگە جەتەدى. بۇل ءوز كەزەگىندە بانكتەردىڭ اعىمداعى يپوتەكالىق پورتفەل كولەمىن 2 تريلليون تەڭگەگە دەيىن ەسەلەۋگە مۇمكىندىك بەرەدى.

بۇدان بۇرىن حابارلانعانداي، جاقىندا وتكەن ەسەپتىك كەزدەسۋدە ينۆەستيسيالار جانە دامۋ ءمينيسترى جەڭىس قاسىمبەك ەكى-ءۇش ايدا «7-20-25» باعدارلاماسى بويىنشا ءبىرىنشى يپوتەكالىق زايمدار بەرىلەتىنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى