قازاقستاندا ءبىر جىل ىشىندە ازىق- تۇلىك باعاسى 7,1 پايىزعا وسكەن

ۆەدومستۆو كەلتىرگەن مالىمەتتەرگە سۇيەنسەك، ون ەكى ايدا (2017-جىلى قاراشا مەن 2016-جىلى قاراشا ايلارى ارالىعىندا) ازىق-تۇلىك تاۋارلارىنىڭ باعاسى 7,1 پايىزعا، ازىق-تۇلىك ەمەس تاۋارلارى - 9,2 پايىزعا، اقىلى قىزمەتتەر - 5,8 پايىزعا ءوستى.

جىلدىڭ باسىنان بەرى (2017-جىلى قاراشا مەن 2016-جىلى جەلتوقسان ايلارى ارالىعىندا) كارتوپ باعاسى 28,5 پايىزعا، پياز - 27,8 پايىزعا، ءسابىز - 20,8 پايىزعا، الما - 14,8 پايىزعا قىمباتتاعان.

سونداي-اق، ەت ونىمدەرى دە بىلتىرعى وسى كەزەڭمەن سالىستىرعاندا قىمباتتاعان.

سيىر ەتىنىڭ باعاسى -  14,2 پايىزعا، جىلقى ەتى - 8,5 پايىزعا، قوي ەتى -  13,5 پايىزعا، وسكەن.

ودان بولەك، كونسەرۆىلەنگەن ءسۇت - 10,8 پايىزعا، سارى ماي باعاسى - 10,2 پايىزعا، كونديتەرلىك ونىمدەر - 9,5 پايىزعا، مايەكتى ىرىمشىك - 9,4 پايىزعا، سۇزبە - 8,9 پايىزعا قىمباتتاعان.

سونىمەن قاتار، ءبىرقاتار ازىق-تۇلىك ونىمدەرىنىڭ باعاسى ارزانداعان.

قىزاناق باعاسى 37,4 پايىزعا، قيار - 37,2 پايىزعا، قاراقۇمىق جارماسى - 26,7 پايىزعا، سارىمساق - 26,1 پايىزعا، جۇمىرتقا -   18,6 پايىزعا، قانت - 17,7 پايىزعا، كۇنباعىس مايى - 9,5 پايىزعا، قىرىققابات - 8,4 پايىزعا، ءتاتتى بۇرىش - 3,4 پايىزعا تومەندەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى