اقمولا تۇرعىنىنان 6 كەلىدەن استام ەسىرتكى تابىلدى
ءى ءى م باسپا ءسوز قىزمەتىنىڭ مالىمەتىنشە، شىلدە ايىنىڭ باسىندا «قاراسورا-2023» ج پ ءى ش وتكىزۋ كەزىندە وبلىس ورتالىعىنىڭ 45 جاستاعى تۇرعىنى ۇستالعان. ونىڭ پاتەرىن ءتىنتۋ بارىسىندا سالماعى 6 كگ 324 گرام كەپتىرىلگەن ماريحۋاناسى بار 24 ءتۇيىن جانە سالماعى 17 گرام ەكى گاشيش ءتۇيىنى تاركىلەندى.
سونىمەن قاتار ءتىنتۋ كەزىندە ديۆاننىڭ استىنان سالماعى 2 كەلىدەن اساتىن قاراسورا تۇقىمدارى بار مايونەز شەلەكتەرى تابىلدى.
ۇستالعان ادامنىڭ ايتۋىنشا، ول ەسىرتكىنى جەكە پايدالانۋ ءۇشىن ساقتاعان.
ق ر ق ك 296-بابى 4-بولىگى «ءىرى مولشەردە ەسىرتكى قۇرالدارىن زاڭسىز ساقتاۋ» بويىنشا سوتقا دەيىنگى ءىس جۇرگىزۋ باستالدى.
ۇستالعان ادامعا 3 جىلدان 7 جىلعا دەيىن باس بوستاندىعىنان ايىرۋ قاۋپى ءتونىپ تۇر.
