ماۋسىمنىڭ سوڭىنا دەيىن ماجىلىسكە 6 زاڭ جوباسى ەنگىزىلەدى
«بيىل زاڭ جوبالاۋ جۇمىستارى جوسپارىندا 27 زاڭ جوباسىن ازىرلەۋ كوزدەلگەن، بۇل وتكەن جىلمەن سالىستىرعاندا %22 عا ارتىق. قازىرگى تاڭدا 8 زاڭ جوباسى پارلامەنت ءماجىلىسىنىڭ قاراۋىندا، تاعى 6 زاڭ جوباسى ايدىڭ سوڭىنا دەيىن ەنگىزىلەتىن بولادى»، - دەدى مينيستر ورتالىق كوممۋنيكاتسيالار قىزمەتىندە.
ازامات ەسقارايەۆتىڭ ايتۋىنشا، ءبىرىنشى جارتىجىلدىقتا ادىلەت مينيسترلىگى 30 مەملەكەتتىك ورگانمەن بىرلەسىپ، 260 زاڭعا ريەۆيزيا جۇرگىزگەن.
ناتيجەسىندە زاڭ دەڭگەيىندە رەگلامەنتتەلگەن مەملەكەتتىك ورگانداردىڭ 4437 فۋنكسياسىنىڭ 2218 ءىن زاڭعا تاۋەلدى اكتىلەر دەڭگەيىنە اۋىستىرۋ جوسپارلانىپ وتىر.
سونىمەن بىرگە، ادىلەت مينيسترلىگى 22 ءىس بويىنشا مەملەكەت مۇددەلەرىن قورعاۋ بويىنشا ءىس جۇرگىزۋدە.
ءبىرقاتار جەكەلەگەن ىستەردە قازاقستاننىڭ پايداسىنا شەشىمدەر بار.
باسقا سوت ىستەرى بويىنشا تالقىلاۋ جالعاسىپ جاتىر.
