قىتايدىڭ «تيانجوۋ-6» جۇك كەمەسى وربيتالىق عارىش ستانسياسىمەن ءساتتى ءتۇيىستى

بۇل تۋرالى قىتايدىڭ باسقارىلاتىن عارىشقا ۇشۋ باعدارلامالارى باسقارماسى مالىمدەدى، دەپ حابارلايدى قازاقپارات ءتىلشىسى.

ءتۇيىسۋ بەيجىڭ ۋاقىتىمەن تاڭعى 05:16-دا بولدى. «تيانجوۋ-6» سارسەنبى كۇنى حاينان پروۆينتسياسىنداعى ۆەنچان عارىش ايلاعىنان 21:22-دە «چانجەن-7» زىمىران-تاسىعىشىنىڭ كومەگىمەن ۇشىرىلعان بولاتىن.

جۇك كەمەسى ستانتسياعا وتىن، ازىق-تۇلىك، تاجىريبە جاساۋعا ارنالعان ماتەريالدار مەن باسقا دا كەرەك- جاراقتى جەتكىزگەن.

«تيانجوۋ-6» جۇك كوتەرگىشتىگى - 7,4 توننا.

عارىش ستانسياسى بورتىنداعى «شىنجوۋ-15» ەكيپاج مۇشەلەرى جاقىن ارادا جۇكتى كوشىرۋ جانە باسقا دا قاجەت جۇمىستى اتقارۋ ءۇشىن «تيانجوۋ-6» جۇك كەمەسىنە كىرۋى كەرەك.

قىتايدىڭ ت ۇلگىسىندەگى «تيانگۋن» وربيتالىق عارىش ستانسياسى 2022 -جىلدىڭ سوڭىندا قاتارعا قوسىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى