قازاقستاندا ءبىر كۇندە 6 ادام گازدان ۋلانىپ، اۋرۋحاناعا ءتۇستى

8-ناۋرىز ساعات 23:07 دە سەمەي قالاسىنىڭ «101» پۋلتىنە جەدەل جاردەم ستانساسىنىڭ كەزەكشى ديسپەتچەرىنەن سۆەتوچنايا كوشەسىندە ءتورت بالانىڭ گازدان ۋلانعانى تۋرالى حابار تۇسكەن.

اقپارات جيناۋ بارىسىندا جەكە تۇرعىن ۇيدە قاتتى وتىنمەن جىلىتىلاتىن پەشتى پايدالانۋ ەرەجەسىن بۇزعاندىقتان ءتۇتىن مۇرجاسى تارتىلماي قالعانى بەلگىلى بولدى.

سول سەبەپتى 4 جانە 5 جاسار بالالار ۋلى گازدان جەڭىل دارەجەدە ۋلانعان. ولار دارىگەرلەر تەكسەرگەننەن كەيىن ۇيىنە جىبەرىلدى.

سونداي- اق، 11 جانە 7 جاسار بالالار گازدان ورتاشا دارەجەدە ۋلانىپ، دارىگەرلەر تەكسەرگەننەن كەيىن سەمەي قالاسىنىڭ «بۇيرەك ورتالىعى» مەكەمەسىنە توكسيكولوگيا بولىمشەسىنە جاتقىزىلدى.

سونداي- اق، سولتۇستىك قازاقستان وبلىسىندا 8-ناۋرىزدا ساعات 02:52 دە ع. مۇسىرەپوۆ اتىنداعى اۋداننىڭ ورتالىق اۋرۋحاناسىنا نوۆويشيمسكوە اۋىلىنداعى اۋدان ورتالىعىنىڭ كوپپاتەرلى تۇرعىن ۇيىندەگى جالدامالى پاتەردە تۇراتىن 1976 -جىلى تۋعان ايەل جانە 1977 -جىلى تۋعان ەر ادام جاتقىزىلىپ، قاجەتتى ەم الدى.

قازىر ولاردىڭ ومىرىنە قاۋىپ ءتونىپ تۇرعان جوق، اۋرۋحانادان ۇيىنە شىعارىلدى.

پاتەردى تەكسەرۋ كەزىندە جىلىتۋ پەشىنىڭ مۇرجاسى كۇيەگە تولى ەكەنى انىقتالدى، ناتيجەسىندە تارتىلۋ بولماي، گاز بولمەگە شىققان. سونداي- اق، پەش پەن مۇرجادا جارىق بولعان.

وسى فاكتى بويىنشا تۇرعىن ءۇي يەسى ق ر ا ق ب ت ك- ءنىڭ 410-بابى 3-بولىگى بويىنشا اكىمشىلىك جاۋاپكەرشىلىككە تارتىلدى.

2022 -جىلى س ق و ەلدى مەكەندەرىندە 28 ادام ۋلى گازدان ۋلانعان، جىلدىڭ باسىنان بەرى - 22 ادام ۋلانىپ، ءبىر ادام كوز جۇمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى