استانا اۋەجايىنا 6 ميلليونىنشى جولاۋشى ۇشىپ كەلدى
بۇل - رەكورد كورسەتكىش، دەپ حابارلايدى قازاقپارات.
بۇگىن نۇرسۇلتان نازاربايەۆ حالىقارالىق اۋەجايىنا اقتاۋ قالاسىنان كەزەكتى رەيس ۇشىپ كەلدى.
اتالعان رەيستىڭ جولاۋشىلارىن اەروپورت وكىلدەرى سالتاناتتى تۇردە قارسى الىپ، لوتوترون كومەگىمەن جەڭىمپازدى انىقتادى.
جولاۋشىنىڭ ەسىمى - تانزيليا جولدىبايەۆا. اقتاۋ قالاسىنىڭ تۇرعىنى.
التى ميلليونىنشى جولاۋشىعا Air Astana كومپانياسى اۋەجاي اكىمشىلىگىمەن بىرلەسىپ ەلوردادان كەز كەلگەن حالىقارالىق باعىت بويىنشا ەكى بيلەت تابىس ەتتى.
ءىس-شاراعا «نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسى داۋلەت حامزين، ازاماتتىق اۆياتسيا كوميتەتىنىڭ ءتوراعاسى تالعات لاستايەۆ جانە «قازاقستاننىڭ اۆياتسيا اكىمشىلىگى» ا ق باس ديرەكتورىنىڭ ورىنباسارى سالتانات تومپيەۆا قاتىستى.
