قازاقستاندا 6- جەلتوقسان كۇنى وتەتىن ماڭىزدى شارالار اڭداتپاسى

9.00 دە Rixos Astana قوناق ۇيىندە «ynvestment Aktobe - 2022» VII حالىقارالىق ينۆەستيتسيالىق فورۋمى وتەدى. فورۋمعا ق ر ۇكىمەتىنىڭ، ۇلتتىق كومپانيالاردىڭ، قارجى ينستيتۋتتارىنىڭ باسشىلارى، ترانسۇلتتىق كومپانيالاردىڭ باسشىلارى، ءىرى شەتەلدىك جانە وتاندىق ينۆەستورلار، شەت مەملەكەتتەر وڭىرلەرىنىڭ باسشىلارى مەن ساراپشىلار قاتىسادى.

10.00 دە ۇكىمەت ۇيىندە كەزەكتى ۇكىمەت وتىرىسى وتەدى. كۇن تارتىبىندە جەكەشەلەندىرۋدىڭ 2021-2025-جىلدارعا ارنالعان كەشەندى جوسپارىن ورىنداۋ بارىسى جانە بالىق سالاسىن دامىتۋ ماسەلەلەرى قارالادى.

10.00 دە Astana Hub عيماراتىندا «وقۋشىلاردىڭ قابىلەتى مەن دارىندىلىعىن دياگنوستيكالاۋ جانە دامىتۋ» اتتى I رەسپۋبليكالىق پسيحولوگيالىق فورۋم-سەمينارى وتەدى.

11.00 دە استانا قالاسىنىڭ دوستىق ۇيىندە قازاقستان حالقى اسسامبلەياسى ءتوراعاسىنىڭ ورىنباسارى، حاتشىلىق مەڭگەرۋشىسى م. ءازىلحانوۆتىڭ قاتىسۋىمەن ق ح ا رەسپۋبليكالىق مەدياتسيا كەڭەسىنىڭ وتىرىسى وتەدى.

12.00 دە استانادا ە. راحماديەۆ اتىنداعى مەملەكەتتىك اكادەميالىق فيلارمونيادا WorldSkills Kazakhstan 2022 VII رەسپۋبليكالىق كاسىبي شەبەرلىك چەمپيوناتى باستالادى.

13.00 دە جاقسىلىق ۇشكەمپىروۆ اتىنداعى جەكپە-جەك سارايىندا قازاقستان قورعانىس ءمينيسترىنىڭ كۋبوگىنا قويان-قولتىق ۇرىستان رەسپۋبليكالىق تۋرنيردىڭ اشىلۋ سالتاناتى وتەدى.

15.00 دە ق ر ۇلتتىق مۋزەيىندە احمەت بايتۇرسىن ۇلىنىڭ 150 جىلدىق مەرەيتويى اياسىندا «ۇلتتىڭ ۇلى ۇستازى» اتتى دوڭگەلەك ۇستەل مەن كىتاپ كورمەسى وتەدى.

16.00 دە «قازمەديا ورتالىعى» كينوكونسەرت زالىندا جىل سايىنعى «ەڭبەك جولى» رەسپۋبليكالىق كونكۋرسىنىڭ جەڭىمپازدارىن ماراپاتتاۋ سالتاناتى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى