قىتايدا سوڭعى 6 ايدا العاش رەت كوروناۆيرۋستان كىسى ءولىمى تىركەلدى

ءۇش ادام دا بەيجىڭدە دەمالىس كۇندەرى قايتقان.

كوروناۆيرۋس ينفەكسياسىنان ءبىرىنشى بولىپ 87 جاستاعى ەر ادام كوز جۇمعان. پاتسيەنتتە COVID-19-دىڭ العاشقى بەلگىلەرى 11-قاراشادا بايقالعان. ەكى كۇننەن كەيىن ودان كوروناۆيرۋستىڭ جەڭىل ءتۇرى دياگنوزى راستالعان. 19-قاراشادا ونىڭ اۋرۋى اسقىنىپ كەتكەن.

قالعان ەكى پاتسيەنتتىڭ دە اۋرۋى اسقىنىپ قايتىس بولدى. قايتىس بولعانداردىڭ بارلىعى - 80 جاستان اسقاندار. ولاردىڭ ۇشەۋىندە دە سوزىلمالى اۋرۋلارى بولعان.

قىتايدىڭ قۇرلىقتاعى اۋماعىندا وسىعان دەيىن كوروناۆيرۋستان بولعان ءولىم جاعدايى 26-مامىردا تىركەلگەن ەدى.

ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ مالىمەتىنشە، 20-قاراشاداعى جاعداي بويىنشا قىتايدىڭ قۇرلىقتاعى اۋماعىندا كوروناۆيرۋس جۇقتىرۋدىڭ 27 مىڭنان استام جاعدايى انىقتالعان.

اۋرۋعا شالدىققانداردىڭ سانى 29 مىڭعا جۋىقتادى. بۇل وسى جىلدىڭ ءساۋىر ايىندا شاڭحايدا كۇردەلى ەپيدەميولوگيالىق جاعداي بايقالعان كەزدە تىركەلگەن رەكوردتىق جوعارى كورسەتكىشتەرگە جاقىنداپ قالدى.

ءبىر تاۋلىك ىشىندە بەيجىڭدە COVID-19 جۇقتىرۋدىڭ 1,4 مىڭنان استام جاڭا جاعدايى تىركەلدى، ونىڭ 800 گە جۋىعى ەل استاناسىنداعى چاويان اۋدانىنان تىركەلدى. پاندەميا باستالعالى بەرى ماتەريكتىك قىتايدا 288,5 مىڭعا جۋىق ادامنان كوروناۆيرۋس راستالعان، ونىڭ 5229 ى كوز جۇمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى