رەسەي استاناسىنىڭ ورتالىعىندا بولعان ورتتەن 6 ادام قازا تاپتى

بۇل تۋرالى قازاقپارات رەسەيلىك تاسس اگەنتتىگىنە سىلتەمە جاساپ حابارلايدى.

رەسەيدىڭ توتەنشە جاعدايلار مەملەكەتتىك مەكەمەسىنىڭ باسپا ءسوز قىزمەتى تاعى ءبىر ادامنىڭ زارداپ شەككەنىن حابارلادى.

گۇلدەر قويماسىنان ءورت شىققانى تۋرالى حابار جەرگىلىكتى ۋاقىت بويىنشا ساعات 15:13-تە تۇسكەن.

ءورت سوندىرۋشىلەر عيماراتتان 7 ادامدى الىپ شىققان. ءورت سالدارىنان ءبىرىنشى جانە ەكىنشى قاباتتىڭ اراسىنداعى قابىرعالار قۇلاعان. جالىن 2,5 مىڭ شارشى مەتردى شارپىپ، وقشاۋلاندى، كەيىنىرەك ءورتتىڭ سوندىرىلگەنى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى