ەۋروپالىق 6 ءىرى كومپانيا وندىرىستەرىن قازاقستانعا كوشىرۋ تۋرالى شەشىم قابىلدادى
بۇل تۋرالى سەناتتىڭ وتىرىسىنان كەيىنگى باسپا ءسوز ءماسليحاتىندا ۇكىمەت باسشىسى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.
پرەمەر- ءمينيستردىڭ ايتۋىنشا، رەسەي نارىعىنان كەتكەن 300 دەن استام ەۋروپالىق كومپانيامەن قازاقستان جاعى اقپاراتتىق- ءتۇسىندىرۋ جۇمىستارىن جۇرگىزدى. وسى ورايدا، 50 دەن استام كومپانيا ءوز وندىرىستەرىنىڭ ورنىن اۋىستىرۋعا قىزىعۋشىلىق تانىتقان.
«التى كومپانيا شەشىم قابىلداپ، ءوندىرىس ورىندارى مەن كەڭسەلەرىن قازاقستانعا كوشىرىپ جاتىر. قالعان كومپانيالار جەرگىلىكتى اتقارۋشى ورگاندارمەن، مينيسترلىكپەن، بيزنەسپەن كەلىسسوزدەر جۇرگىزىپ جاتىر، ياعني وسىنداعى مۇمكىندىكتەردى زەرتتەۋگە كىرىستى»، - دەدى ءا. سمايىلوۆ.
