جەتىسۋ وبلىسىندا 6 جاسار بالا اتتان قۇلاپ مەرت بولدى
پوليتسيا انىقتاعانداي، بالا شاۋىپ بارا جاتقان اتتىڭ ۇستىنەن قۇلاعان. ول اكەسىمەن قىستاققا بارعان. سول جەردە اتقا وتىرىپ جۇرگىسى كەلگەن.
ءبىراق اساۋ ات وعان باعىنباعان. شاۋىپ بارا جاتقان اتتىڭ ۇستىنەن قۇلاعان بالانىڭ اياعى جىلقىنىڭ ۇزەڭگىسىنە قىسىلىپ قالعان.
«وقيعا 11- قازان كۇنى جەرۇيىق اۋىلىندا بولعان. جاركەنت قالاسىنداعى اۋرۋحاناعا بالانى اۋىر حالدە جەتكىزگەن. ومىرىنە اراشا تۇسكەن دارىگەرلەردىڭ كومەگىنە قاراماستان ول بىرنەشە ساعاتتان كەيىن كوز جۇمدى. اتا-انالاردان بالالارىنا ۇلكەن جاۋاپكەرشىلىكپەن قاراۋدى سۇرايمىز. سەبەبى، بالا وزىنە ءتونىپ تۇرعان قاۋىپتى تۇسىنبەيدى. ارتى قايعىلى جاعدايعا اكەلۋى مۇمكىن»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
