استانادا وتەتىن «ورتالىق ازيا - رەسەي» سامميتىنە 6 پرەزيدەنت قاتىسادى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«جوعارى دەڭگەيدەگى كەزدەسۋ بارىسىندا قازاقستان، قىرعىزستان، وزبەكستان، تاجىكستان، تۇرىكمەنستان جانە رەسەي پرەزيدەنتتەرى التىجاقتى فورماتتاعى ىنتىماقتاستىقتىڭ كەلەشەگىن تالقىلايدى. كەزدەسۋ قورىتىندىسى بويىنشا مەملەكەت باسشىلارىنىڭ بىرلەسكەن مالىمدەمەسىن قابىلداۋ جوسپارلانۋدا، وندا ەۋرازيالىق كەڭىستىكتەگى وڭىرلىك ىنتىماقتاستىقتىڭ وزەكتى ماسەلەلەرى كورسەتىلەدى»، - دەدى ايبەك سمادياروۆ مينيسترلىكتە وتكەن بريفينگتە.
سونداي-اق قورىتىندى قۇجاتتا ساياسات پەن قاۋىپسىزدىك، ساۋدا-ەكونوميكالىق جانە مادەني-گۋمانيتارلىق ىنتىماقتاستىق سياقتى سالالارداعى ودان ءارى ءوزارا ءىس-قيمىلدىڭ پەرسپەكتيۆالارى اتاپ وتىلەدى.
ايتا كەتەيىك، بۇل اپتادا ەلوردادا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتى وتەدى، وعان 11 مەملەكەتتىڭ باسشىلارى قاتىسادى.
سونىمەن بىرگە، 14- قازاندا استانادا ت م د مەملەكەتتەرىنىڭ باسشىلارى كەزدەسەدى. سامميتتە قازاقستان 2023-جىلى ت م د- عا ءتوراعالىق ەتۋدى قىرعىز رەسپۋبليكاسىنا تاپسىرادى.
