بالالىق شاقتان قالعان 6 ادەتتەن ارىلىڭىز

قايناتىلعان جانە قۋىرىلعان كارتوپ

كارتوپ - بارلىق ەلدەر مەن كونتينەنتتەردەگى ەڭ تانىمال گارنير، ءبىراق ولار اسىرەسە ءبىزدىڭ ەلدە جاقسى كورەدى. بالا كەزىمىزدەن ءبىز ونى ەكىنشى تاماق رەتىندە ەتپەن جەۋگە ۇيرەنگەنبىز. ءبىراق كارتوپ ماي ءتىنىنىڭ پايدا بولۋىنا ىقپال ەتەتىن كومىرسۋلاردىڭ كوزى سانالادى، سوندىقتان كارتوپتى سالاتپەن نەمەسە كوكونىسپەن الماستىرعان دۇرىس.

قانت قوسىلعان شاي

ءبىر قاسىق قانت، ەكىنشى، ءۇشىنشى... اقىر سوڭىندا سەلليۋليت، بەلدەگى قاتپارلار جانە بالا كەزىمىزدە ويلانباعان، بۇگىندە بار كۇشىمىزدى سالىپ قۇتىلۋعا تىرىسىپ جاتقان ونشاقتى ماسەلە. ءتاتتى شايدا وتە نوستالگيالىق جانە جاعىمدى ەستەلىكتەر بار، ءبىراق ەستە ساقتاڭىز، قانت قوسىلعان شاي ءسىزدىڭ اجەڭىزدىڭ ساياجايىندا ىشكەن شايدىڭ ەستەلىگى عانا ەمەس، سونىمەن قاتار جاتتىعۋ زالىندا كۇش جۇمساۋعا تۋرا كەلەتىن قوسىمشا كالوريا.

دەسەرتتەر

بالا كەزىڭىزدە كەشكى استان كەيىن بالمۇزداق نەمەسە سۇيىكتى كارامەلىڭىزدى جەيتىن ەدىڭىز. قازىر تۇندە جەمەۋ كەرەك ەكەنىن جانە جالپى دەسەرتتەردى قالىپتى مولشەردە جەۋ كەرەگىن بىلەسىز. ءتاتتى فيگۋرا پروبلەمالارىنا اكەلىپ قانا قويمايدى، سونىمەن قاتار تاۋەلدىلىك تۋدىرادى.

ماي جاعىلعان بۋتەربرود

مۇنىڭ فاستفۋدتان ەش ايىرماشىلىعى جوق. كومىرسۋلار، مايلار، حولەستەرين. ەگەر ءسىز نان مەن سارى مايعا ىرىمشىك نەمەسە شۇجىق قوسساڭىز، ولار سىڭگەن كەزدە ءسىزدىڭ دەنەڭىزدىڭ قانداي كۇيزەلىسكە ۇشىرايتىنىن ەلەستەتۋ قيىن.

گازدالعان سۋسىن

گازدالعان سۋسىنسىز ەشقانداي بالالار مەرەكەسى وتپەيدى. بارلىعى كەمپىرقوساق ءتۇستى گازدالعان ءتاتتى جانە سالقىن سۋسىندارعا ەسسىز عاشىق. قانتقا، جاساندى تاتتىلەندىرگىشتەرگە، كونسەرۆانتتارعا، حوش يىستەندىرگىشتەرگە باي، ول دەنەگە تەك زيان كەلتىرەدى، سەمىزدىككە ىقپال ەتەدى.

كوكونىستەرگە ءمان بەرمەۋ

گارنير رەتىندە سالات جەۋ بالالىق شاقتا ناعىز ازاپتاي كورىنەتىن، بروككوليگە جىلاماي قاراۋ مۇمكىن ەمەس ەدى، قيارعا ءبىر قاراعاننان-اق قۇسقىڭ كەلەتىن. بۇگىن ءسىزدىڭ تاماقتانۋ ادەتتەرىڭىز ازداپ وزگەردى، ال كوكونىستەر كۇندەلىكتى راتسيونىڭىزدىڭ ءبىر بولىگىنە اينالدى دەپ ۇمىتتەنەمىز. ويتكەنى، ولار ۆيتاميندەردىڭ، ميكروەلەمەنتتەر مەن انتيوكسيدانتتاردىڭ تاپتىرماس كوزى بولىپ تابىلادى. ولار فيگۋراعا زيان كەلتىرمەي عانا قويمايدى، كەرىسىنشە دەنەنى تازارتۋعا ىقپال ەتەدى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى