نازاربايەۆ زياتكەرلىك مەكتەپتەرى مەن قاراپايىم مەكتەپتى قارجىلاندىرۋدا 6 ەسە ايىرماشىلىق بار - دەپۋتات
«الەمدىك بانك زەرتتەۋى بويىنشا ەلدەگى وقۋشىلاردىڭ 1 پايىزى عانا ساپالى ءبىلىم الىپ جاتىر. وقۋشىلاردىڭ باسىم بولىگىنىڭ تاڭداۋ جاساۋ مۇمكىندىگى جوق. ولار نەگىزىنەن ەكى نە ءۇش اۋىسىمدىق مەكتەپتەردە ءبىلىم الىپ جاتىر. ونىڭ ۇستىنە، سوڭعى ءۇش جىلدا ەلىمىزدە 1 ميلليون 277 مىڭ ءسابي دۇنيەگە كەلدى. بۇل ءبىلىم سالاسىنا ءتۇسىپ تۇرعان ۇلكەن دەموگرافيالىق سالماق. ولار ءۇشىن كەلەشەكتە كەم دەگەندە 3 مىڭ مەكتەپ سالىنۋى كەرەك»، - دەپ اتاپ ءوتتى دەپۋتات سەنات وتىرىسىندا.
الەمدىك بانكتىڭ زەرتتەۋىنشە، قازىر ەلىمىزدەگى ادام كاپيتالىنىڭ يندەكسى 63 پايىزدى كورسەتەدى.
بۇل - يندەكس بالا تۋعاننان باستاپ 18 جاسقا دەيىنگى قالىپتاستىرىلۋى ءتيىس وقۋشىلاردىڭ قابىلەتى مەن داعدىلارىنىڭ جيىنتىعى.
«ءبىزدىڭ ءبىلىم جۇيەسى وسىلاردىڭ 63 قانا پايىزىن بەرىپ وتىر. بۇل ءبىلىم سالاسىنا قىرۋار قارجى بولىنگەنىمەن، كوپتەگەن ءبىلىم الۋشىلاردىڭ العان ءبىلىمى بىلىكتىلىككە اينالماي جاتقانىن كورسەتەدى. بىزدەگى ءبىلىم بەرۋدەگى تەڭسىزدىك پەن الشاقتىق قارجىلاندىرۋ سالاسىندا دا، قالا مەن اۋىل مەكتەپتەرىنىڭ اراسىندا دا ايتارلىقتاي ۇلكەن. مىسالى نازاربايەۆ زياتكەرلىك مەكتەبى مەن قاراپايىم مەكتەپ اراسىنداعى قارجىلاندىرۋ ايىرماسى 6 ەسە بولسا، ەلىمىزدەگى وقۋشىلاردىڭ 44 پايىزىن قۇرايتىن اۋىل وقۋشىلارىنا ن ز م وقۋشىسىنىڭ ءبىلىم دەڭگەيىن قۋىپ جەتۋى ءۇشىن 6 جىل ۋاقىت كەرەك. ءبىلىم جانە عىلىم مينيسترلىگى قازىرگى ەرەجەگە ساي 200 دەن استام قىزمەت كورسەتەدى. اتاپ ايتقاندا، 900 مىڭ ءبۇلدىرشىنى بار 10300 بالاباقشا، 3,5 ميلليون وقۋشى وقيتىن 7500 ورتا مەكتەپ، 500 مىڭ كونتينگەنتى بار 820 كوللەدج، 600 مىڭ ستۋدەنتى بار 120 ج و و جانە جارتى ميلليوننان استام مۇعالىمدەر مەن پەداگوگتەردىڭ جۇمىستارىن ۇيلەستىرۋ كەرەك. بۇل ءبىر مينيسترلىككە وتە ۇلكەن سالماق. سوندىقتان دا كەشە عانا پرەزيدەنتىمىز ايتقانداي، مينيسترلىكتىڭ باسقارۋ جۇيەسىن وڭتايلاندىرۋ جولدارىن قاراستىرعان دۇرىس دەپ سانايمىز»، - دەدى مۇرات باقتيار ۇلى.
