شىعىس قازاقستاندا ەكى كولىك بەتپە-بەت سوقتىعىسىپ، 6 ادام مەرت بولدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى 8- مامىر ساعات 11:20 شاماسىندا رەسپۋبليكالىق ماڭىزى بار «ومبى-مايقاپشاعاي» تاسجولىنىڭ جارما اۋدانى شار قالاسىنىڭ ماڭىنداعى ۋچاسكەسىندە بولدى.

«Ssang Yong Actyon» ماركالى اۆتوكولىك جۇرگىزۋشىسى رۋلدى باسقارا الماي قالىپ، قارسى باعىتتا كەلە جاتقان «ۆاز-21014» كولىگىمەن بەتپە-بەت سوقتىعىستى. اپات سالدارىنان «ۆاز-21014» كولىگىنىڭ 33 جاستاعى جۇرگىزۋشىسى مەن 5 جولاۋشى سول جەردە ءتىل تارتپاي كەتتى.

ال «Ssang Yong Actyon» كولىگىندەگى 35 جاستاعى جۇرگىزۋشى مەن كامەلەتكە تولماعان ءۇش جولاۋشى ءتۇرلى دەنە جاراقاتىمەن اۋرۋحاناعا جەتكىزىلگەن»، - دەلىنگەن اقپاراتتا.

قازىرگى ۋاقىتتا اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 345-بابى 4-بولىگىنە سايكەس سوتقا دەيىنگى تەرگەۋ باستالدى.

ءبىرقاتار سوت-مەديتسينالىق ساراپتاما تاعايىندالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى