قىزىلوردادا جاپپاي تارتىپسىزدىك كەزىندە اڭشىلىق دۇكەننەن 6 ميلليون تەڭگەنىڭ زاتى ۇرلانعان
وڭىردە بىرنەشە ورگاننان قۇرىلعان ۆەدومستۆوارالىق جەدەل- تەرگەۋ توبى تاراپىنان قىلمىستىق ءىستىڭ ءمان- جايىن جان- جاقتى، تولىق جانە وبەكتيۆتى تۇردە تەرگەپ- تەكسەرۋ ارەكەتتەرى جۇرگىزىلۋدە. ۇستالعان ازاماتتاردان تەرگەپ- تەكسەرۋ بارىسىندا زاتتاي دالەلدەمەلەر الىندى. ولار - 3 قارۋ- جاراق، ونىڭ بىرەۋى اكسۋ اۆتوماتى مەن 20 ارنايى شيت، دۋبينكا، كاسكا قۇرالدارى. سونداي- اق، قالاداعى لومباردتىڭ بىرىنەن جالپى قۇنى 300 ميلليون تەڭگە تۇراتىن التىن بۇيىمدار ۇرلانعان.
ال اڭشىلىق دۇكەننەن 6 ميلليون 212 مىڭ تەڭگەنىڭ زاتتارى قولدى بولعان. اتالعان قىلمىستار بويىنشا كۇدىكتى رەتىندە قىزىلوردا قالاسىنىڭ 5 تۇرعىنى قاماۋعا الىندى.
«بۇگىنگى كۇنگە ازاماتتاردان پوليتسيا ورگاندارى قىزمەتكەرلەرىنىڭ ارەكەتىنە قاتىستى وزىندىك قاۋىپسىزدىك باسقارماسىنا 25 ارىز- شاعىم كەلىپ تۇسكەن. بۇل بويىنشا تەكسەرۋ جۇمىستارى جۇرگىزىلۋدە»، - دەدى قىزىلوردا وبلىسى پوليتسيا دەپارتامەنتى باستىعىنىڭ ورىنباسارى بايجان بايگەلدى.
