مامان قىستا جەۋ كەرەك 6 تاعامدى اتادى
ول جىلدىڭ بەلگىلى ءبىر ۋاقىتىندا ادام ميكروبيوماسىن تولتىراتىن تۇراقتى ماۋسىمدىق ميكروبتارمەن تولىعىپ وتىرۋى كەرەك. بۇل ءبىز قولداناتىن ونىمدەرگە تىكەلەي بايلانىستى. ادام پلانەتادا گۇلدەنۋ ءۇشىن تابيعات ىرعاقتارىمەن سينحروندى جانە ۇيلەسىمدى ءومىر ءسۇرۋى كەرەك. ول ءۇشىن يممۋنيتەتىمىز ءار ماۋسىمعا دايىن بولۋى قاجەت.
سەرتيفيكاتتالعان دەنساۋلىق ترەنەرى، ديەتولوگ جانە سپيكەر ەلەنا ايزەنبەرگ ادام دەنساۋلىعىن نىعايتاتىن، قىستا قاجەت 6 تاعامدى اتادى.
قىستا قانداي تاعامداردى جەۋگە بولادى؟
ماۋسىمدىق تاعامدارداعى دارۋمەندەر، مينەرالدار جانە باسقا دا قورەكتىك زاتتار ءبىزدىڭ اعزامىزعا اسىرەسە جىلدىڭ وسى ۋاقىتىندا قاجەت. مىسالى، قىستا ۇيدە كوپ ۋاقىت وتكىزىپ، كۇن ساۋلەسىندە از بولاتىندىقتان D دارۋمەنى جەتىسپەيدى. ماۋسىمدىق تاماقتانۋ ءبىزدى دارۋمەندەردىڭ كۇندەلىكتى دوزاسىمەن قامتاماسىز ەتەدى.
ول ءبىزدىڭ دەنەمىزدىڭ قاجەتتىلىكتەرىن قاناعاتتاندىرادى جانە ءبىزدىڭ فيزيكالىق ءال- اۋقاتىمىزدى جاقسارتادى. قاجەتتى نارسەنى العان كەزدە ءبىز ءوزىمىزدى 100 پايىز ساۋ سەزىنەمىز.
ساڭىراۋقۇلاقتار
ساڭىراۋقۇلاقتار بۇل ۆيتاميننىڭ قوسىمشا كوزى. ساڭىراۋقۇلاقتاردى تەك D دارۋمەنىنىڭ مازمۇنى ءۇشىن عانا باعالاماۋ كەرەك. شييتاكە ساڭىراۋقۇلاعى ۆ توبىنداعى دارۋمەندەردىڭ، D دارۋمەنىنىڭ، سەلەننىڭ، ءنياتسيننىڭ جانە امين قىشقىلىنىڭ جوعارى قۇرامى ارقاسىندا يممۋنيتەتتى ايتارلىقتاي جاقسارتادى. بۇل ءبىزدىڭ يممۋندىق جۇيەمىز ۆيرۋستىق ينفەكتسيالاردىڭ بارلىق تۇرلەرىنەن ءجيى قىسىمعا ۇشىراعان قىستا وتە پايدالى.
سيترۋستار
ولاردىڭ قۇرامىندا س دارۋمەنى كوپ. ول ەڭ سۋىق ايلاردا بەلسەندى بولاتىن باكتەريالار مەن ۆيرۋستاردان قورعايدى.
كوكونىستەر
نەگىز رەتىندە كارتوپ، ءسابىز، سارىمساق، پياز جانە باسقا دا تامىر كوكونىستەرىن الىڭىز. ولار قىس ايلارىندا توق سەزىنۋ ءۇشىن تالشىق پەن كومىرسۋلارعا باي.
الما
تالشىق پەن پەكتينگە باي ولار اس قورىتۋ جۇيەسىنە پايدالى جانە تەرى مەن جۇرەك- قان تامىرلارى اۋرۋلارىنان قورعايدى. الما قۇرامىندا ا، ە، ۆ6، س جانە ك دارۋمەندەرى دە بار.
انار
بۇل تابيعي انتيوكسيدانت. ول يممۋندىق جۇيەنى نىعايتادى جانە قاتەرلى ىسىك پەن جۇرەك- تامىر اۋرۋلارىنا قارسى قورعانىش اسەر ەتەدى.
دامدەۋىشتەر
قالامپىر بۋىن اۋرۋى مەن جوتەلدىڭ الدىن الادى. دارشىن مەن كاردامون دەنەنى جىلىتۋ ارقىلى سۋىق ءتيۋدى جانە ونىڭ بەلگىلەرىن جەڭىلدەتەدى. قارا بۇرىشتىڭ قۇرامىنداعى س دارۋمەنى سۋىق تيۋ مەن جوتەلگە قارسى تابيعي قۇرال.
massaget.kz
