ديماشتى بەلارۋس اۋەجايىنان 6 ەلدەن كەلگەن جانكۇيەرلەرى كۇتىپ الدى
بۇل تۋرالى قازاقپارات dimashnews.com سايتىنا سىلتەمە جاساپ حابارلايدى.
ءارتىس جانكۇيەرلەرمەن بولعان كوپتەن كۇتكەن كەزدەسۋدەن العان اسەرىمەن ءبولىستى. كەزدەسۋ كەزىندە اتموسفەرا وتە جىلى جانە جارقىن بولدى: ديماشتىڭ دا، ونىڭ شىعارماشىلىعىنىڭ دا جانكۇيەرلەرى كوروناۆيرۋستىق ينفەكسيانىڭ پاندەمياسىنا بايلانىستى ءبىر-ءبىرىن وتە ساعىنعاندارىن كورۋگە بولادى.
«مينسك» ۇلتتىق اۋەجايىندا ديماشتى بەلارۋس جانكۇيەرلەرى قارسى الدى، ولار ونى 2015-جىلدان بەرى قولداپ كەلەدى، سول كەزدە ءارتىس «سلاۆيان بازارىندا» گران-پري جەڭىپ العان بولاتىن، بۇل ونىڭ شىعارماشىلىق مانسابىندا ۇلكەن ءرول اتقاردى.
بەلورۋستاردان باسقا، ديماشتى قازاقستان، رەسەي، بولگاريا جانە شۆەتسيا، شۆەيتساريا Dears- ءى قارسى الدى.
«بۇل تاڭقالارلىق كەزدەسۋ بولدى. ديماش بەلارۋس تۋرالى جىلى لەبىزىن ءبىلدىرىپ، بۇل - ونىڭ شىعارماشىلىق وتانى ەكەنىن ايتاتىن. ءبىز سۇيىكتى ءارتىسىمىزدى وسىندا قايتا قارسى العانىمىزعا وتە قۋانىشتىمىز»، - دەپ ءبولىستى DimashDearsBelarus فان-كلۋبىنىڭ قاتىسۋشىلارى.
ءانشىنىڭ ءوزى دە Dears-پەن بولعان كوپتەن كۇتكەن كەزدەسۋدەگى قۋانىشىن جاسىرمايدى:
«مەن بەلارۋسكە قايتا ورالعانىما وتە قۋانىشتىمىن! قازىر Dears-پەن كەزدەسۋلەر وتە سيرەك بولعاندىقتان، ولاردىڭ ءارقايسىسى قازىنا سياقتى. تۇنگى رەيسكە قاراماستان، Dears ءتى كورگەننەن كەيىن مەن قايتادان قۋاتتاندىم. قازىر فەستيۆالدىڭ باستالۋىن اسىعا كۇتۋدەمىن. بارلىعى جاقسى اسەر الادى دەپ جانە بۇل «سلاۆيان بازارى» اركىمنىڭ جۇرەگىندە ۇزاق ۋاقىت قالادى دەگەن ۇمىتتەمىن!»، - دەدى ديماش.
جانكۇيەرلەردىڭ انشىگە بەرگەن مۇسىنشەسى جاعىمدى توسىنسىي بولدى. ءار ءتۇرلى جاعىندا «Dimash»، «Dears» جانە «We ’re one « سوزدەرى جازىلعان.
ەرتەڭ، 15 - شىلدە كۇنى ۆيتەبسكىدە ديماشتىڭ قاتىسۋىمەن باسپا ءسوز كونفەرەنسياسى وتەدى، ال سول كۇنى ساعات 20:30 دا «ۆيتەبسكىدەگى سلاۆيان بازارى» XXX حالىقارالىق ونەر فەستيۆالىنىڭ سالتاناتتى اشىلۋى باستالادى.
