شىعىستا - ۇسىك، وڭتۇستىكتە - اپتاپ: 6- ماۋسىمعا ارنالعان اۋا رايى
كەي جەرلەردە نايزاعاي ويناپ، جاڭبىر جاۋادى، بۇرشاق جاۋۋى ىقتيمال. تەك رەسپۋبليكانىڭ سولتۇستىگىندە جاۋىن-شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە جەل كۇشەيەدى، داۋىل، شاڭدى داۋىل، سولتۇستىك جانە شىعىستا تۇمان تۇسەدى.
قىزىلوردا وبلىسىنىڭ تۇندە كەي جەرلەرىندە، كۇندىز باسىم بولىگىندە جەل 15-20 م/س دەيىن كۇشەيەدى، كەي جەرلەردە ەكپىنى 25 م/س شاڭدى داۋىلمەن، تۇندە جانە تاڭەرتەڭ كەي جەرلەردە نايزاعاي جارقىلدايدى.
تۇركىستان وبلىسىنىڭ كەي جەرلەرىندە نيازاعاي، داۋىل، شاڭدى داۋىل، جەلدىڭ كۇشەيۋى 15-20، كۇندىز ەكپىنى 25 م/س كۇتىلەدى.
جامبىل وبلىسىنىڭ كۇندىز كەي جەرلەرىندە نايزاعاي، شاڭدى داۋىل كۇتىلەدى، بۇرشاق جاۋۋى ىقتيمال، كەي جەرلەردە جەل 15-20، ەكپىنى 25 م/س كۇتىلەدى.
باتىس قازاقستان، ماڭعىستاۋ وبلىستارىنىڭ كەي جەرلەرىندە نايزاعاي، جەلدىڭ كۇشەيۋى 15-20 م/س كۇتىلەدى، بۇرشاق جاۋۋى ىقتيمال.
اتىراۋ وبلىسىنىڭ كەي جەرلەرىندە نايزاعاي كۇتىلەدى، بۇرشاق جاۋۋى ىقتيمال، كۇندىز كەي جەرلەرىندە جەل 15-20 م/س كۇشەيەدى.
الماتى وبلىسىندا نايزاعاي كۇتىلەدى، جەل نايزاعاي كەزىندە ەكپىنى 15-20 م/س كۇشەيەدى.
قاراعاندى، شىعىس قازاقستان، كۇندىز قوستاناي وبلىستارىنىڭ كەي جەرلەرىندە جەل 15-20 م/س، تۇندە جانە تاڭەرتەڭ شىعىس قازاقستان وبلىسىنىڭ كەي جەرلەرىندە تۇمان تۇسەدى.
سولتۇستىك قازاقستان وبلىسىنىڭ تۇندە جانە تاڭەرتەڭ كەي جەرلەرىندە تۇمان بولادى. كۇندىز جامبىل، تۇركىستان وبلىستارىنىڭ باسىم بولىگىندە اپتاپ ىستىق ساقتالادى.
قاراعاندى، شىعىس قازاقستان وبلىستارىنىڭ سولتۇستىك-شىعىسىندا تۇندە 2 گرادۋس ۇسىك جۇرەدى.
قىزىلوردا وبلىسىندا، جامبىل، الماتى، تۇركىستان، قاراعاندى وبلىستارىنىڭ باسىم بولىگىندە، اقتوبە، اتىراۋ، باتىس قازاقستان، قوستاناي، اقمولا، پاۆلودار، شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
