6-جەلتوقسان. قازاقپارات كۇنتىزبەسى
اتاۋلى كۇندەر
قازاقستان رەسپۋبليكاسىندا پروكۋراتۋرا ورگاندارىنىڭ قۇرىلعان كۇنى
1991 -جىلى 6-جەلتوقساندا «قازاق ك س ر پروكۋراتۋراسى ورگاندارىنىڭ ءبىرىڭعاي جۇيەسىن قۇرۋ، ولاردىڭ ەركىندىگىن جانە تاۋەلسىزدىگىن قامتاماسىز ەتۋ تۋرالى» قاۋلىسى قابىلداناعان. وسىعان وراي كۇنتىزبەدە جاڭا مەرەكە پايدا بولدى.
ەستە قالار وقيعالار
1944 -جىلى الماتىدا د. ا. قونايەۆ اتىنداعى تاۋ- كەن ءىسى ينستيتۋتى قىزمەتىن باستادى. ينستيتۋت - تاۋ- كەن ءوندىرىسىن عىلىمي- تەحنيكالىق قامتاماسىز ەتەتىن قازاقستان مەن ورتالىق ازياداعى ەڭ ۇلكەن عىلىمي- وندىرىستىك ورتالىقتاردىڭ ءبىرى.
1971 -جىلى قازاقستاندا تۇڭعىش رەت عىلىمي- تەحنيكالىق اقپارات ورتالىعى الماتى قالاسىندا قۇرىلدى. 2005 -جىلى مەملەكەت باسشىسى نۇرسۇلتان نازاربايەۆ «قازاقپارات» ۇلتتىق كومپانياسىنا كەلىپ، اقپارات اگەنتتىگىنىڭ 85 جىلدىق مەرەيتويىنا وراي ۇجىم قىزمەتكەرلەرى مەن ارداگەرلەرىن قۇتتىقتادى. پرەزيدەنت «قازتاگ- قا - 85 جىل: تاريح شەجىرەسى» فوتوكورمەسىن تاماشالاپ، اقپارات اگەنتتىگىنىڭ شىعارماشىلىق جۇمىسىمەن جانە تەحنيكالىق قىزمەتىمەن تانىستى.
2011 -جىلى بەلگيانىڭ مونس قالاسىندا قازاقستان سولتۇستىك اتلانت اليانسى مەملەكەتتەرىنىڭ اراسىندا وتكىزىلەتىن تۋرنير تاريحىندا العاش رەت ناتو- نىڭ «بەيبىتشىلىك جولىنداعى ارىپتەستىك» باعدارلاماسىنا قاتىسۋشى ەل رەتىندە جارىستارعا قاتىستى. قر قورعانىس مينيسترلىگى ارميا ورتالىق سپورت كلۋبىنىڭ باسكەتبول كومانداسى «SHAPE « حالىقارالىق باسكەتبول تۋرنيرىندە ەكىنشى ورىندى يەلەندى. قازاقستان ۇلى بريتانيا، ليتۆا، پولشا، كانادا كوماندالارىن تالقانداپ، فينالدا لاتۆيا كومانداسىنا 53:61 ەسەبىمەن ەسە جىبەردى.
2012 -جىلى قازاقستاننىڭ تانىمال مەملەكەتتىك قايراتكەرى، ب ۇ ۇ باس حاتشىسىنىڭ ورىنباسارى - بۇۇ- نىڭ جەنيەۆاداعى ءبولىمىنىڭ باس ديرەكتورى قاسىم- جومارت توقايەۆ س. ن. رەريح مەدالىمەن جانە «الەم تۋى» ەستەلىك بەلگىسىمەن ماراپاتتالدى. ماراپاتتار جەنيەۆادا رەريحتەر مۇراسىن ساقتاۋ بويىنشا كوميتەتى جانە ماسكەۋدەگى رەريحتەر حالىقارالىق ورتالىعى دەلەگاتسياسىنىڭ ساپارى بارىسىندا تابىستالدى.
2014 -جىلى مەملەكەت باسشىسى نۇرسۇلتان نازاربايەۆ پەن فرانتسيا پرەزيدەنتى فرانسۋا وللاند اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ بازاسىندا قۇرىلعان «سوربوننا - قازاقستان» ينستيتۋتىنىڭ سالتاناتتى اشىلۋ راسىمىنە قاتىستى. «سوربوننا - قازاقستان» ينستيتۋتى «پاريج قالاسىنىڭ سوربونناسى» (PRES Sorbonne Paris Cité) جوعارى ءبىلىم عىلىمي ورتالىعىنىڭ الەمدەگى ەكىنشى جانە ورتالىق ازياداعى بىردەن- ءبىر فيليالى بولىپ وتىر. ونداعى ءبىلىم بەرۋ ۇدەرىسى بولون كونۆەنتسياسىنا سايكەس جۇرگىزىلەدى. قازاقستان مەن فرانتسيانىڭ پروفەسسورلارى ساباق بەرەدى.
2014 -جىلى حالىقارالىق بانكنوتا قوعامداستىعى (International Bank Note Society, IBNS) نومينالى 1000 تەڭگەلىك «كۇلتەگىن» ەستەلىك بانكنوتاسىن ۇزدىك بانكنوتا دەپ تانىدى. «كۇلتەگىنگە» ا ق ش- تىڭ 100 دوللارى، 5 ەۋرو، 10 كانادا دوللارى، 100 رۋبل، 5 برازيليا رەالى، 5 ليۆيا دينارى، سونداي- اق يسلانديا، ليۆان، سولومون ارالدارى، باربادوس، فيدجي ۆاليۋتالارى قارسىلاس بولعان ەدى.
2016 -جىلى استاناداعى ق ر ۇلتتىق مۋزەيىندە «قازاقستان رەسپۋبليكاسىنىڭ داڭق كىتابىن» تۇعىرعا ورناتۋ جانە ەلەكتروندى نۇسقاسىن تانىستىرۋ سالتاناتى بولدى. وسى كۇننەن باستاپ داڭق كىتابى ۇلتتىق مۋزەيدىڭ تاۋەلسىزدىك زالىنىڭ مەملەكەتتىك ناگرادالار ۆيتريناسىنىڭ ەكسپوناتى رەتىندە مۋزەيگە كەلۋشىلەردىڭ نازارىنا ۇسىنىلدى.
2017 -جىلى جەنيەۆا قالاسىنداعى بۇۇ ۇلتتار سارايىندا قر تاۋەلسىزدىك كۇنىنە جانە ەلىمىزدىڭ ب ۇ ۇ- عا مۇشەلىگىنىڭ 25 جىلدىعىن اتاپ ءوتۋ بويىنشا ءىس- شارالار اياسىندا «قازاقستان - ۇلى دالا ەلى» تاقىرىبىنداعى فوتوكورمە اشىلدى. كورمە قوناقتارىنا ەلىمىزدىڭ ءىرى قالالارىنىڭ تارتىمدى تۇستارى، مادەني جانە تاريحي ەسكەرتكىشتەرى، بىرەگەي جانە سيرەك كەزدەسەتىن تابيعاتىمىزدىڭ، سونداي- اق سالت- داستۇرلەرىمىز بەينەلەنگەن 60 قا جۋىق فوتوسۋرەت ۇسىنىلدى.
2018 -جىلى ءابىش كەكىلبايەۆقا ارناپ نۇر- سۇلتان قالاسىنداعى قونايەۆ كوشەسىنلدەگى جازۋشىنىڭ ءوزى تۇرعان 11- ءۇيدىڭ الدىنا ەسكەرتكىش تاقتا ورناتىلدى.
2019 -جىلى «رۋحاني جاڭعىرۋ» باعدارلاماسىنىڭ «قازاقستاننىڭ كيەلى جەرلەرىنىڭ گەوگرافياسى» ارنايى جوباسى اياسىندا اقمولا وبلىسىنىڭ جالپىۇلتتىق جانە وڭىرلىك نىساندارى تاعى ءۇش جاڭا ەسكەرتكىش ورىندارىمەن تولىقتىرىلدى. استراحان اۋدانىندا ورنالاسقان «توعىز اۋليە» جەرلەۋ؛ اتتاس اۋىلدىڭ (ءبىرجان سال اۋدانى) جانە قابىل باتىر مازارىنىڭ (جارقايىڭ اۋدانى) اۋماعىنداعى اڭعال باتىردىڭ جەرلەۋ ورنى جالپىۇلتتىق ماڭىزى بار نىسان مارتەبەسىنە يە بولدى.
2019 -جىلى قازاقستان «ەكسپو-2020 دۋباي» كورمەسىنىڭ كوميسسارلار القاسىنىڭ باسقارۋشى كوميتەتىنە سايلاندى. كورمەنىڭ حالىقارالىق قاتىسۋشىلارىنىڭ جينالىسى (ق ح ق ج) شەڭبەرىندە قاتىسۋشى ەلدەردىڭ دۋباي ەكسپو-2020 كوميسسارلار القاسىنىڭ باسقارۋشى كوميتەتىنىڭ قۇرامىن ايقىنداۋ بويىنشا داۋىس بەرۋى ءوتتى. باسشى كوميتەتتىڭ مۇشەلەرى كورمەگە قاتىساتىن حالىقارالىق كورمەلەر بيۋروسىنا مۇشە مەملەكەتتەردىڭ ۇلتتىق سەكتسيالارىنىڭ كوميسسارلارى اراسىنان سايلانادى. داۋىس بەرۋ قورىتىندىسى بويىنشا، استانا ەكسپو-2017 حالىقارالىق مامانداندىرىلعان كورمەسىنىڭ تابىستى وتكىزىلۋىن ەسكەرە وتىرىپ، قازاقستان العاش رەت باسقارۋشى كوميتەت قۇرامىنا سايلاندى.
2019 -جىلى ەلوردا كوشەلەرىنىڭ بىرىنە قازاقستاننىڭ حالىق جازۋشىسى، ەڭبەك ەرى، قوعام جانە ساياسي قايراتكەر ءابىش كەكىلبايەۆتىڭ ەسىمى بەرىلدى. ءابىش كەكىلبايەۆ اتىنداعى كوشە ەكسپو قالاشىعىنىڭ جانىندا ورنالاسقان. «بۇگىن ەلىمىزدىڭ تۇكپىر- تۇكپىرىنەن حالىق جازۋشىسى ءابىش كەكىلبايەۆتىڭ قۇرمەتىنە كوشە اشۋ ءۇشىن جينالىپ وتىرمىز. شىنىندا دا، بۇل - تاريحىمىزداعى ماڭىزدى وقيعا. مۇنداي ءىس- شارالار قازاق حالقىنىڭ يگىلىگى ءۇشىن ەڭبەك ەتكەن جازۋشىلاردىڭ، اقىنداردىڭ، قوعام قايراتكەرلەرىنىڭ شىعارماشىلىعىنا دەگەن قۇرمەتىمىزدى كورسەتەدى»، - دەدى ەلوردا اكىمى التاي كولگىنوۆ.
