قىزىلوردا وبلىسىندا جىل باسىنان بەرى ادام ساۋداسىنا قاتىستى 6 دەرەك تىركەلدى
ش ق و- دا جەڭگەتايلىقپەن اينالىسقان 3 ادام ۇستالدى بيىل وبلىستا ءماجبۇرلى ەڭبەك جانە 14 جاسقا تولماعان بالالاردىڭ ەڭبەگىن پايدالانۋ دەرەكتەرى بويىنشا وقيعا تىركەلگەن جوق.
«پوليتسيا ادام ساۋداسىنا قارسى كۇرەس باعىتىندا جۇمىستار جۇرگىزدى. جىل باسىنان بەرى 5 جەڭگەتايلىق جانە 1 باس بوستاندىعىنان زاڭسىز ايىرۋ بويىنشا قىلمىستىق ءىس تىركەلگەن. بۇل بويىنشا تەرگەۋ امالدارى جۇرگىزىلۋدە. سونىمەن قاتار، وبلىس اۋماعىندا ادام ساۋداسىمەن بايلانىستى قىلمىستاردى ەسكەرتۋ، جولىن كەسۋ، انىقتاۋ جانە اشۋ باعىتىندا قۇزىرلى ورگاندارىمەن بىرلەسكەن جەدەل- ىزدەستىرۋ ءىس- شارالارىن وتكىزۋگە ءمان بەرىلدى»، - دەدى وبلىستىق ەڭبەك سالاسىن باقىلاۋ باسقارماسىنىڭ باسشىسى تورەاحمەت جولىمبەتوۆ.
باسقارما باسشىسى ادامداردى ەڭبەككە قاناۋ ماقساتىندا زاڭسىز بوستاندىعىنان ايىرۋ دەرەكتەرىن انىقتاۋ، جولىن كەسۋ باعىتىندا ءتيىستى ءىس- شارالار جۇرگىزىلگەنىن اتاپ ءوتتى. وسى ماقساتتا وبلىسىمىزدا 3671 شارۋا قوجالىقتىڭ 2876 سى تەكسەرىلگەن.
