ەڭ الىپ ايسبەرگ الماتىدان 6 ەسە ۇلكەن

68A اۋماعى جاعىنان الماتىدان (682 ²km ) 6 ەسە ۇلكەن ەكەن. قازىر الىپ مۇزتاۋ اتلانت مۇحتىنداعى بريتانياعا تيەسىلى وڭتۇستىك گەورگيا ارالىنا قاراي بەتتەپ كەلەدى.

ايسبەرگ دەگەنىمىز نە؟

«ايسبەرگ» ءسوزىنىڭ قازاق تىلىندەگى ماعىناسى «مۇز تاۋ» دەگەندى بىلدىرەدى. بۇل - شىنىندا دا تەڭىزگە جىلجىپ تۇسەتىن الىپ مۇزدىقتاردان پايدا بولعان مۇز تاۋلار. ءبىر شەتى تەڭىزگە يەك ارتا ورنالاسقان الىپ مۇزدىقتار تەڭىز سۋىنىڭ تولىسۋى نەمەسە جەل مەن سۋ اسەرىنەن مۇجىلە- مۇجىلە ومىرىلادى دا، گۇرس ەتىپ سۋعا قۇلايدى. بۇل اۋماعىنىڭ نەگىزگى بولىگىن سۋعا جاسىرعان الىپ مۇز تاۋلار جەل مەن اعىس ايداۋىنا ءتۇسىپ ۇزاق ساپارعا شىعادى.

ول جول-جونەكەي بىرتە-بىرتە ەريدى، سونىڭ سالدارىنان كەيدە اۋدارىلادى دا. ادەتتە ايسبەرگتىڭ %90 سۋ استىندا كورىنبەي جاتادى. وعان قوسا ولاردىڭ اۋماعى تەز وزگەرەدى. قار جاۋعاندا ۇلكەيىپ، كۇن جىلىعاندا ەريدى.

68A -ايسبەرگى

2014-جىلى عالىمدار لارسەن مۇزدىعىندا ۇلكەيىپ جاتقان جارىقتى بايقايدى. سونىڭ اسەرىنەن جاقىن ۋاقىتتا ۇلكەن مۇزتاۋدى جارىلىپ شىعاتىنىن بولجايدى. 2017-جىلى شىلدەنىڭ 10-12 اراسىندا، بار بولعانى 2 كۇندە الپاۋىت ايسبەرگ ءبولىنىپ، ءوز باعىتىمەن كەتە باردى. باستاپقىدا ايسبەرگتىڭ اۋماعى 5800 شارشى شاقىرىم، ال سالماعى ءبىر تريلليون توننانى قۇراعان.

BBC مالىمەتىنشە، ءدال قازىر 68A -ايسبەرگى اتلانت مۇحيتىنداعى بريتانياعا تيەسىلى وڭتۇستىك گەورگيا ارالىنا قاراي بەتتەپ كەلەدى. ەگەر مۇزتاۋ باعىتىن وزگەرتپەسە ارالعا سوقتىعىسادى.

ايسبەرگ تەك ارال تۇرعىندارى ءۇشىن عانا ەمەس، سول ماڭدا تىرشىلىك ەتەتىن بارشا جان-جانۋار مەن بالىققا قاۋىپ ءتوندىرىپ تۇر.

مۇزتاۋ ارالعا سوقتىعىسقاندا سول ماڭداعى بۇكىل ەكوجۇيەنى قۇرتىپ، قورشاعان ورتاعا ۇلكەن زالال اكەلۋى مۇمكىن. وعان قوسا ايسبەرگ تەك 10 جىلدان سوڭ تولىق ەريدى ەكەن.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى